عنوان:

چھ کلمے ماننا ضروری ہے کیا؟کیا کلمہ کی ترتیب کا قبول کرنا اسلام ہے؟ اگر کوئی کہتاہے کہ میں کلمہ کی ترتیب کو قبول نہیں کرتاہوں تو کیا وہ گناہ گارہوجاتا ہے؟

سوال:

چھ کلمے ماننا ضروری ہے کیا؟کیا کلمہ کی ترتیب کا قبول کرنا اسلام ہے؟ اگر کوئی کہتاہے کہ میں کلمہ کی ترتیب کو قبول نہیں کرتاہوں تو کیا وہ گناہ گارہوجاتا ہے؟

جواب نمبر: 1596901-Sep-2020 : تاریخ اشاعت

بسم الله الرحمن الرحيم

فتوی: 1688=1380/1430/د

توحید، رسالت، ایمان بالآخرت،اس کے ساتھ فرشتوں پر، اچھی بری تقدیر پر ایمان لانا ضروری ہے، اور کفر وشرک سے برأت ظاہر کرنا،ایمان کے لیے لازم ہے، ان چھ کلموں میں انھیں باتوں کا اقرار ہوتا ہے۔ لہٰذا کلموں کا اقرار کرنا ضروری ہوا۔ کلمہ کی ترتیب قبول کرنے سے کیا مراد ہے؟ اور جو شخص کلمہ کی ترتیب قبول کرنے سے انکار کرتا ہے وہ کن الفاظ سے مذکورہ بالا امور کا اقرار کرتا ہے، خود اس کے قلم سے لکھواکر منسلک کریں۔