عنوان: فرشتوں کے نام پر بچوں کا نام رکھنا

سوال: حدیث پاک میں آتا ہے کہ تسموا بأسماء الأنبیاء ولا تسموا بأسماء الملائکة تو کیا یہ حدیث صحیح ہے ؟ فرشتوں جیسے نام بچوں یا بچیوں کیلئے رکھنا جائز ہے کہ نہیں؟

جواب نمبر: 14812831-Aug-2020 : تاریخ اشاعت

بسم الله الرحمن الرحيم

Fatwa: 457-634/Sn=7/1438

اس حدیث کو امام بخاری رحمہ اللہ نے اپنی تاریخ میں نقل کیا ہے، جو اگرچہ ضعیف ہے (دیکھیں: تعلیق فیض القدیر)؛ لیکن متعدد شراحِ حدیث نے اس سے استدلال کیا ہے جو اس بات کا قرینہ ہے کہ فی نفسہ یہ حدیث قابل احتجاج ہے؛ البتہ اس میں فرشتوں کے نام پر نام رکھنے کی جو ممانعت آئی ہے، یہ کراہتِ تنزیہی پر محمول ہے جیسا کہ شراح حدیث کے کلام سے معلوم ہوتا ہے؛ اس لیے فرشتوں کے نام پر بچے یا بچیوں کے نام رکھنے کی گنجائش ہے؛ لیکن بہتر نہیں ہے۔ وکرہ مالک التسمی بأسماء الملائکة کجبرئیل، قلت: ویوٴیدہ ما رواہ البخاری في تاریخہ عن عبد اللہ بن جراد: سمّوا بأسماء الأنبیاء ولا تسمّوا بأسماء الملائکة (مرقاة المفاتیح، باب الأسامي، تحت حدیث: ۴۷۵۱) وقال المناوي: ․․․ فیکرہ التسمّي بہا (بأسماء الملائکة) کما ذکرہ القشیري، ویسن بأسماء الأنبیاء الخ (فیض القدیر للمناوي ۴/ ۱۱۳، ط: بیروت)۔