• عقائد و ایمانیات >> اسلامی عقائد

    سوال نمبر: 9912

    عنوان:

    امام ابو منصور ماتریدی اورابو الحسن اشعری کے عقائد کیا تھے اور آپ کون سے عقائد میں ان کی تقلید کرتے ہیں؟ (۲)کیا عقیدہ میں امام ابو حنیفہ(رحمة اللہ علیہ) کی تقلید نہیں کرسکتے؟

    سوال:

    امام ابو منصور ماتریدی اورابو الحسن اشعری کے عقائد کیا تھے اور آپ کون سے عقائد میں ان کی تقلید کرتے ہیں؟ (۲)کیا عقیدہ میں امام ابو حنیفہ(رحمة اللہ علیہ) کی تقلید نہیں کرسکتے؟

    جواب نمبر: 9912

    بسم الله الرحمن الرحيم

    فتوی: 54=00/ ھ

     

    (۱) ان حضرات کے عقائد وہی ہیں کہ جو اہل سنت والجماعت کے عقائد ہیں، نصوص صریحہ سے ثابت شدہ عقائد تو تقریباً متفق علیہ ہیں، ان میں کسی کی تقلید اختیار کرنے کی حاجت نہیں البتہ استنباطی یا فروعی عقائد یا قطعی عقائد کی کیفیات وتشریحات میں اصحاب فن متکلمین حضرات کے اختلافات بھی ہیں اور متکلمین کے مسلم امام یہ دونوں حضرات ہیں، اس لیے ان کی تقلید کی جاتی ہے۔

    (۲) کرسکتے ہیں، بلکہ جو عقائد امام صاحب رحمہ اللہ سے منقول سے ہیں ان میں تقلید ممنوع نہیں بلکہ کی جاتی ہے، جس کے نظائر شرح فقہ اکبر میں ملاحظہ کرسکتے ہیں، باقی استنباطی انداز میں جن حضرات نے عقائد اسلام کی خدمت انجام دی، ان میں مسلّم ائمہ کی حیثیت سے امام ابومنصور ماتریدی اور امام ابوالحسن اشعری رحمہما اللہ ہیں، مزید تفصیل دیکھنی ہو تو حضرت مولانا قاری محمد طیب صاحب رحمہ اللہ تعالیٰ رحمة واسعة کی کتاب: علمائے دیوبند اور ان کا دینی رخ ومسلکی مزاج، ملاحظہ کریں۔


    واللہ تعالیٰ اعلم


    دارالافتاء،
    دارالعلوم دیوبند