عقائد و ایمانیات >> اسلامی عقائد
سوال نمبر: 7265
کیا فرماتے ہیں اس مسئلہ میں کہ اللہ کے سوا کوئی اور بھی غیب جانتا ہے؟ (۲) کیا اللہ کے نبی زندہ ہیں یا کہ نہیں؟ (۳) کیا کافر کو کافر بول سکتے ہیں کہ نہیں؟
کیا فرماتے ہیں اس مسئلہ میں کہ اللہ کے سوا کوئی اور بھی غیب جانتا ہے؟ (۲) کیا اللہ کے نبی زندہ ہیں یا کہ نہیں؟ (۳) کیا کافر کو کافر بول سکتے ہیں کہ نہیں؟
جواب نمبر: 7265
بسم الله الرحمن الرحيم
فتوی: 1511=1427/ د
(۱) غیب کی جن باتوں سے اللہ تعالیٰ نے اپنے نبیوں اور رسولوں کو باخبر کردیا ہے، اس قدر مغیبات کا علم ان حضرات کو ہوگیا ہے، عالم الغیب اللہ تعالیٰ کی صفت ہے یعنی جمیع ماکان ومایکون کا علم اللہ تعالیٰ کے ساتھ مخصوص ہے، اللہ تعالیٰ کے علاوہ کسی اور کو عالم الغیب کہنا یا سمجھنا درست نہیں ہے۔
(۲) برزخ میں انبیا و شہدا کو حیات حاصل ہے جو عام مسلمانوں کی حیات سے زیادہ قوی ہے لیکن اسے دنیوی زندگی پر قیاس کرنا درست نہیں۔ حضرت انس رضی اللہ عنہ سے روایت ہے الأنبیاء أحیاء في قبورھم یصلون امام جلال الدین سیوطی کی کتاب الحاوی للفتاویٰ:۱۴۷، میں تفصیل موجود ہے۔
(۳) موجودہ احوال کو دیکھتے ہوئے جائز ہے، اصل اعتبار خاتمہ کا ہے۔
واللہ تعالیٰ اعلم
دارالافتاء،
دارالعلوم دیوبند