عنوان: مجھے بہت عجیب خیالات آتے ہیں

سوال: مجھے بہت عجیب خیالات آتے ہیں جیسے ہم حضور پاک صلی اللہ علیہ وسلم پر درود بھیجتے ہیں، اللہ پاک بھی بھیجتے ہیں قرآن میں ہے ، اسی طرح اللہ پاک بھی نماز پڑھتے ہوں گے ؟ وضو کرتے ہوں گے ؟روزہ رکھتے ہوں گے ؟ اسی طرح حج؟ کیا میرا سوچنا ٹھیک ہے ؟ مخلوق اللہ کی عبادت کرتی ہے اللہ بازات خود عبادت کے قابل ہے ۔یہ تمام عبادتیں اس کے لئے ثابت نہیں کی جا سکتیں، باقی وہ ذات پاک ہے اسے وضو کی ضرورت نہیں، باقی وہ جو درود بھیجتے ہیں اس سے مراد رحمتوں کا نزول ہے ، میرا عقیدہ ٹھیک ہے ؟

جواب نمبر: 6765401-Sep-2020 : تاریخ اشاعت

بسم الله الرحمن الرحيم

Fatwa ID: 1090-1116/H=11/1437 ذاتِ باری تعالی جلّ شانہ ہماری عقلوں سے وراء الوراء ہے جس طرح کی سوچ آپ نے اپنا رکھی ہے اس کو ترک کر دینا چاہئے اور جو کام و احکام شریعتِ مطہرہ نے ہمارے ذمہ لازم کئے ہیں ان کو اپنانا چاہئے ورنہ اس طرح کی غلط سوچ میں ڈال کر نفس و شیطان آدمی کو گمراہی کے راستہ پر ڈالتے ہیں عقائد تو آپ کے الحمد للہ ٹھیک ہیں مگر سوچنے کا انداز غلط ہے بس اس کی اصلاح کی طرف توجہ رکھیں واجبات فرائض سنن کی ادائیگی اور معاصی سے اجتناب میں اپنے آپ کو لگائے رکھیں (الف) بہشتی زیور (ب) جزاء الاعمال (ج) فضائلِ اعمال (د) منتخب احادیث کا بکثرت مطالعہ کیا کریں اور سننے سنانے کا نظام بھی بنالیں۔