عنوان: عید گاہ قبرستان میں بنائی جاسکتی ہے یا نہیں؟

سوال: عید گاہ قبرستان میں بنائی جاسکتی ہے یا نہیں؟ زمین قبرستان کی ہے ، لیکن جہاں بنوانا ہے وہاں پر کوئی قبر نہیں ہے؟ براہ کرم، رہنمائی فرمائیں۔

جواب نمبر: 6629601-Sep-2020 : تاریخ اشاعت

بسم الله الرحمن الرحيم

Fatwa ID: 927-911/N=9/1437

شریعت میں قبرستان الگ وقف ہے اور عید گاہ الگ وقف ہے اوراصول یہ ہے کہ ہر وقف اپنے متعینہ مصرف میں استعمال کیا جاتا ہے، کسی وقف کو دوسرے وقف میں تبدیل کرنا یا اس کا مصرف بدلنا جائز نہیں؛ اس لیے سوال میں مذکور قبرستان اگر وقف ہے تو اس کے کسی بھی حصہ میں عیدگاہ بنانا جائز نہیں اگرچہ وہاں جہاں عیدگاہ بنانے کا اردہ ہے، کوئی قبر نہ ہو، لما تقرر عند الفقہاء من أن نص الواقف کنص الشارع وأن مراعاة غرض الواقفین واجبة کذا في عامة کتب الفقہ والفتاوی۔ وإن اختلف أحدھما بأن بنی رجلان مسجدین أو رجل مسجداً ومدرسة ووقف علیھما أوقافاً لا یجوز لہ ذلک (الدر المختار مع رد المحتار ۶: ۵۵۱، ط: مکتبة زکریا دیوبند)، قال الخیر الرملي: أقول: ومن اختلاف الجھة ما إذا کان الوقف منزلین أحدھما للسکنی والآخر للاستغلال، فلا یصرف أحدھما إلی الآخر، وھي واقعة الفتوی اھ (رد المحتار ۶: ۵۵۱)۔