عنوان: شرک اور ان کی اقسام توحید اور ان کی اقسام

سوال: ہمارے یہاں توحید اور ان کے اقسام شرک اور ان کے اقسام کو بنیاد بناکر اور مذکورہ اشیاء کو بدوں عبارات وتشریحات وحوالہ جات فقہاء واکابر وعبارات کتب کلام ا پنی طرف سے ہر جگہ اور ہر شخص پر لاگو کیا جاتاہے ، اس لیے یہاں بہت اضطراب اور شورش ہورہی ہے ۔ براہ کرم، مذکورہ بالا باتوں کو خوب واضح کرکے مستند جواب دیاجا ئے ۔ آپ کی عین نوازش ہوگی۔احقر رحمت اللہ کندز افغانستان۔ واضح رہے کہ مذکورہ تشویش اکثر غیرمقلد یا جماعت اسلامی ذہن والے ہوتے ہیں ، ہمارے دیوبندی نہیں ہیں ۔

جواب نمبر: 6558001-Sep-2020 : تاریخ اشاعت

بسم الله الرحمن الرحيم

Fatwa ID: 802-790/N=8/1437 آپ کے یہاں غیرمقلدین یا جماعت اسلامی کی ذہنیت رکھنے والے لوگ توحید وشرک اور ان کی اقسام کو بنیاد بناکر لوگوں پر جو الزامات وغیرہ لگاتے ہیں، اس کی تفصیلات ہمارے سامنے نہیں ہیں؛ اس لیے اگر ان کی کتابیں یا تحریرات ارسال کی جائیں تو بہتر ہوگا اور حالات کے مناسب توحید وشرک سے متعلق ضروری تفصیلات قلمبند کرنا آسان ہوگا۔ اور اگر اس سلسلہ میں علاقے کے مستند ومعتبر علمائے کرام سے رجوع کیا جائے اور اس سلسلہ میں لوگوں کو توحید اور شرک کی صحیح حقیقت سے روشناس کرائیں تو زیادہ مناسب ہوگا؛ کیوں کہ وہ حضرات علاقے کی صحیح صورت حال سے اچھی طرح واقف ہوں گے اور ان کے لیے حالات کے مناسب لوگوں کی صحیح رہنمائی کرنا زیادہ آسان ہوگا۔