عنوان: تشریعی اور غیر تشریعی نبی كسے كہتے ہیں؟

سوال: (۱) کیا بنی اسرائیل حضرت موسیٰ علیہ السلام کی قوم کو کہتے ہیں ؟ حضرت، میں نے سنا ہے کہ بنی اسرائیل میں غیر شرعی نبی آتے تھے ، کوئی حوالہ تو دیں کہ وہ نبی غیر شرعی ہی ہوتے تھے ؟ (۲) حضرت موسیٰ علیہ السلام کے بعد شرعی نبی (رسول) کون آئے تھے ؟ حوالہ لازمی دیجیے گا۔ جزاک اللہ

جواب نمبر: 6485401-Sep-2020 : تاریخ اشاعت

بسم الله الرحمن الرحيم

Fatwa ID: 690-636/Sn=8/1437 اسرائیل دراصل حضرت یعقوب علیہ السلام کا نام ہے، ان سے جو نسل چلی وہ ”بنی اسرائیل“ کہلائی، چونکہ حضرت موسی علیہ السلام بھی اسی قوم کی جانب مبعوث ہوئے اسی لیے حضرت موسی علیہ السلام کی قوم کو بھی بنی اسرائیل کہا جاتا ہے، بنی اسرائیل میں اللہ رب العزت نے تشریعی اور غیر تشریعی دونوں طرح کے نبی بھیجے ہیں، چنانچہ حضرت ہارون علیہ السلام غیر تشریعی نبی تھے؛ اس لیے کہ وہ حضرت موسی علیہ السلام ہی کی شریعت کی تبلیغ کے لیے مبعوث کیے گئے، ان کو مستقل کتاب و شریعت نہیں دی گئی تھی، اور حضرت عیسی علیہ السلام تشریعی نبی تھے؛ اس لیے کہ انھیں مستقل کتاب وشریعت دی گئی تھی، محض سابق شریعت کی تبلیغ کے لیے مبعوث نہ ہوئے تھے۔ دیکھئے: معارف القرآن (ج: ۶، ص: ۲۷۷، ط: نعیمیہ) اور ابن کثیر میں ہے: ․․․ ومہیجًا لہم بذکر أبیہم إسرائیل وہو نبي اللہ یعقوب علیہ السلام․․․ فإسرائیل ہو یعقوب علیہ السلام بدلیل ما رواہ أبوداوٴد الطیالسی․․․ عبد اللہ بن عباس قال: حَضَرَت عصابة من الیہود نبیَ اللہ صلی اللہ علیہ وسلم فقال لہم: ہل تعلمون أن إسرائیل یعقوب؟ قالوا: اللہم نعم، فقال النبي صلی اللہ علیہ وسلم: اللہم فاشہد، (تفسیر ابن کثیر، ج:۱ ص: ۲۲۱، سورة البقرة، ط: زکریا)․․․ وقیل الرسول من بعثہ اللہ بشریعة مجددة یدعو الناس إلیہا، والنبي یعمہ ومن بعثہ لتقریر شرع سابق کأنبیاء بني إسرائیل الذین کانوا بین موسی وعیسی فکل رسول نبي ولیس کل نبي رسولا․ (تفسیر مظہری: ج: ۶، ص: ۲۵۴، سورة الحج، آیت: وما أرسلنا من قبلک من رسول ولا نبي․․․ الآیة، ط: زکریا)