عنوان:

قرآن کریم کے الفاظ اگر کبھی صحیح ادا نہ ہوپائیں تو کیا حکم ہے؟

سوال:

میں بچپن سے مختلف قاریوں سے قرآن مجید پڑھنا سیکھ رہا ہوں، اب میں جب قرآن پڑھتا ہوں تو بعض اوقات الفاظ بالکل غلط ادا کر دیتا ہوں مجھے اپنی غلطی کا پتہ بھی نہیں چلتا میری نظر بھی کمزور ہے ،کیا مجھ پر کفر لازم آئے گا؟

جواب نمبر: 60678802-Nov-2021 : تاریخ اشاعت

بسم الله الرحمن الرحيم

Fatwa:228-159/SD=3-1443

 اگر کبھی کوئی آیت غلطی سے غلط پڑھ دی ، تو اس کی وجہ سے کفر کا حکم عائد نہیں ہوگا، خواہ غلط پڑھی ہوئی آیت کے معنی کچھ بھی بنتے ہوں؛ اس لیے کہ غلطی سے کفریہ کلمہ بولنے سے کفر کا حکم عائد نہیں ہوتا ہے ، پس آپ مطمئن رہیں اور قرآن کریم سیکھتے رہیں ۔

قال ابن عابدین: قال فی البحر والحاصل: أن من تکلم بکلمة للکفر ہازلا أو لاعبا کفر عند الکل ولا اعتبار باعتقادہ کما صرح بہ فی الخانیة ومن تکلم بہا مخطئا أو مکرہا لا یکفر عند الکل، ومن تکلم بہا عامدا عالما کفر عند الکل ومن تکلم بہا اختیارا جاہلا بأنہا کفر ففیہ اختلاف۔ ( رد المحتار: ۲۲۴/۴، باب المرتد، دار الفکر بیروت )