عبادات >> اوقاف ، مساجد و مدارس
سوال نمبر: 601518
چندے كی رقم سے امام كو تنخواہ دینا؟
ہمارے یہاں مسجد میں امام کی سخت ضرورت ہے ۔ کیا ہم ان کو صد قے کی رقم تنخواح میں دے سکتے ہیں ؟ اپنی رائے سے آگاہ کریں ۔
جواب نمبر: 601518
بسم الله الرحمن الرحيم
Fatwa:283-216/N=5/1442
ضروریات مسجد کے لیے مسجد کو جو چندہ دیا جاتا ہے، وہ نفلی صدقہ ہی ہوتا ہے، یعنی: اس پر اللہ کی راہ میں خرچ کرنے کا ثواب ملتا ہے، اور ضروریات مسجد میں امام کی تنخواہ بھی شامل ہے؛ لہٰذا اگر کوئی شخص ثواب کی نیت سے مسجد میں چندہ دیتا ہے تو اُس سے امام کی تنخواہ دینے میں شرعاًکچھ مضائقہ نہیں؛ البتہ زکوة، فطرہ وغیرہ کا پیسہ مسجد میں نہیں دیا جاسکتا ۔
واللہ تعالیٰ اعلم
دارالافتاء،
دارالعلوم دیوبند