عقائد و ایمانیات >> اسلامی عقائد
سوال نمبر: 601320
کیا متعہ کو حلال سمجھنے والا شخص کافر ہے اور دائر اے اسلام سے خارج ہے؟
کیا متعہ کو حلال سمجھنے والا شخص کافر ہے اور دائر اے اسلام سے خارج ہے؟
جواب نمبر: 601320
بسم الله الرحمن الرحيم
Fatwa:283-767/sd=2/1443
کفر کے سلسلے میں فقہائے کرام نے جو اصول بیان کیے ہیں ، ان کی روشنی میں راجح یہ معلوم ہوتا ہے کہ متعہ کو حلال سمجھنے والے کو مطلقا کافر نہیں قرار دیا جائے گا؛ بلکہ اس کے سامنے متعہ کی حرمت کے دلائل پیش کیے جائیں گے ، اس کے باوجود اگر وہ انکار کرے تو اس کو کافر سمجھا جائے گا ؛ اس لیے کہ متعہ کی حرمت اگرچہ قطعی ہے؛ لیکن یہ ضروریات دین میں سے نہیں ہے اور کفر کے سلسلے میں قطعی اور ضروری دونوں کے حکم میں فرق ہے، تفصیل کے لیے دیکھیے: جواہر الفقہ : ۱۱۳/۱، زکریا ۔
واللہ تعالیٰ اعلم
دارالافتاء،
دارالعلوم دیوبند