عقائد و ایمانیات >> اسلامی عقائد
سوال نمبر: 600406
پل صراط پر سے لوگ کب گذریں گے، حساب و کتاب سے پہلے یا حساب و کتاب کے بعد؟
احادیث میں ہے کہ پل صراط جہنم کے اوپر ہے اور قیامت کے دن ہر شخص کو اس پر سے گذرنا ہوگا۔ جو نکوکار ہیں وہ پار ہوکر بہشت میں داخل ہوجائیں گے اور جو بدکار ہیں اوہ جہنم میں گر جائیں گے۔ میرا سوال یہ ہے کہ:
(۱) پل صراط کو عربی میں کیا کہتے ہیں؟
(۲) پل صراط پر سے لوگ کب گذریں گے، حساب و کتاب سے پہلے یا حساب و کتاب کے بعد؟ حساب و کتاب سے پہلے گذریں گے تو حساب کس کا ہوگا اور اگر حساب کے بعد گذرنا ہوگا تو کیوں گذرنا ہوگا جب کہ سزا و جزا کا اور شفاعت کا اعلان ہوچکا ہوگا۔ برائے کرم مستند حوالوں کے ساتھ جواب مرحمت فرمائیں ۔
(۳) بعض لوگوں کے مطابق دنیا ہی پل صراط ہے۔ یہ کہاں تک صحیح ہے۔
جواب نمبر: 600406
بسم الله الرحمن الرحيم
Fatwa : 162-473/B=07/1442
نامہٴ اعمال کب تولے جائیں گے، اور داہنے یا بائیں ہاتھ میں کب ملیں گے، اعمال کا حساب و کتاب کب ہوگا، پل صراط پر کب گذرنا ہوگا۔ ان سب کی ترتیب صراحت کے ساتھ احادیث میں ہماری نظر سے نہیں گذری۔ یہ سب ایمانیات کے قبیلے سے ہیں۔ ہمیں ان سب امور پر ایمان لے آنا چاہئے اور اس کی کھود کرید میں نہ پڑنا چاہئے۔
واللہ تعالیٰ اعلم
دارالافتاء،
دارالعلوم دیوبند