عقائد و ایمانیات >> اسلامی عقائد
سوال نمبر: 59674
جواب نمبر: 59674
بسم الله الرحمن الرحيم
Fatwa ID: 445-445/Sd=8/1436-U شریعت میں حقیقی شہید وہ مسلمان کہلاتا ہے جو اللہ کا کلمہ بلند کرنے کے لیے کفار ومشرکین کے ہاتھوں قتل ہوجائے یا اس کو کوئی مسلمان یا ذمی دھار دار آلہ سے قتل کردے، ایسا شخص شہید کامل کہلاتا ہے، اس پر دنیا اور آخرت دونوں جگہ شہادت کے احکام جاری ہوتے ہیں اور جو مسلمان کسی حادثے میں انتقال کرجاتے ہیں، وہ اخروی اعتبار سے شہید مانے جاتے ہیں، ان کو بھی شہید سمجھنا چاہیے اگرچہ وہ اپنی زندگی میں دیندار نہ ہوں۔ (الدر المختار مع رد المحتار: ۲/۲۴۷-۲۵۳، باب الشہید، مطلب فی تعداد الشہداء، ومطلب: المعصیة ہل تنافی الشہادة؟ ط: دار الفکر، بیروت)
واللہ تعالیٰ اعلم
دارالافتاء،
دارالعلوم دیوبند