عنوان: روضئہ اقدس پر ہاتھ اٹھا کر دعا مانگنا کیسا ہے

سوال: کیا روضہٴ رسول صلی اللہ علیہ وسلم پر ہاتھ اٹھاکر دعا مانگنا جائز ہے؟ اور اگر کوئی اس طرح دعا کرے کہ اے اللہ کے رسول ہم تیرے روضے پر حاضر ہیں ہمارے سلام کو قبول فرمالیجیے بروز قیامت ہماری سفارش کردیجیے دنیا وآخرت کی مشکلات دور کردیجیے، کیا یہ دعا جائز ہے؟ اور روضے پر سب سے افضل عمل کیا ہے؟

جواب نمبر: 5430201-Sep-2020 : تاریخ اشاعت

بسم الله الرحمن الرحيم

Fatwa ID: 1175-1175/M=10/1435-U روضہٴ اقدس پر ہاتھ اٹھاکر دعا مانگی جاسکتی ہے اور نفس دعا ہاتھ اٹھائے بغیر بھی کی جاسکتی ہے، اگر ہاتھ اٹھاکر مانگنی ہو تو قبلہ رو ہوکر کرلے تاکہ یہ شبہ نہ ہو کہ صاحب روضہ سے دعا مانگ رہا ہے، روضہ پر کھڑے ہوکر اس طرح دعا کرنے میں حرج نہیں کہ اے اللہ کے رسول ہم تیرے روضے پر حاضر ہیں، ہمارے سلام کو قبول فرمالیجیے اور بروز قیامت ہماری سفارش کردیجئے، اس کے بعد والا جملہ (دنیا وآخرت کی مشکلات دور کردیجیے) اس طرح نہ کہے۔ روضہ پر درود وسلام پیش کرنا افضل عمل ہے۔