عنوان: حفیظ نام ركھنا كیسا ہے؟

سوال: میرا سوال یہ ہے کہ اللہ کے نام جو ننانوے ہیں ان کے پہلے’ عبدل‘ لگانے اور نہ لگانے کے بارے میں شریعت کیا حکم دیتی ہے جیسے مثال کے طورپر میں اپنے بچے کا نام ”حفیظ “رکھ سکتاہوں یا” عبد الحفیظ “رکھنا ٹھیک ہے؟

جواب نمبر: 4784301-Sep-2020 : تاریخ اشاعت

بسم الله الرحمن الرحيم

فتوی: 1294-1294/M=11/1434-U ”عبد“ لگاکر نام رکھنا پسندیدہ ہے، اللہ تعالیٰ کے وہ اسماء جو بندوں کے درمیان بھی مشترک ہیں ان کو اگرچہ بغیر عبد کے رکھنے کی اجازت ہے اور حفیظ مشترک اسماء میں سے ہے، اس اعتبار سے آپ بچے کا نام ”حفیظ“ رکھ سکتے ہیں، لیکن ”عبدالحفیظ“ رکھنا بہتر ہے: وجاز التسمیة بعليّ ورشید من الأسماء المشترکة (درمختار)