عنوان: وحدة الوجود

سوال: میں جاننا چاہتا ہوں کہ غیر مقلدوں کا جو عقیدہ ہے کہ اللہ عرش پر مستوء ہے اور اسکی طاقت نظر یعنی کہ اللہ اپنے صفات کے ذریعہ پوری کائنات پر نظر رکھا ہوا ہے، کیا آپ بتا سکتے ہیں کہ یہ عقیدہ کہاں تک درست ہے؟جب کہ ہم جانتے ہیں کہ اللہ کی کوئی حدد نہیں ہے ...اور وحدة الوجود کیا ہے جس پر غیر مقلدین اپنے بیانات میں دیوبند پر اس بات کو منسوب کر کے کہتے ہیں کہ حنفی یعنی دیوبندی اور ہندو بھائی بھائی ہیں۔ مہربانی کرکے اس پر روشنی ڈالیں تفصیل سے، میں آپ کے جوابات کو غیر مقلدوں تک پہنچاوَں گا ۔

جواب نمبر: 4032001-Sep-2020 : تاریخ اشاعت

بسم الله الرحمن الرحيم

فتوی: 1384-1023/D=9/1433 غیرمقلدوں کا مذکور فی السوال عقیدہ کیا ہے؟ ان کی کسی مستند کتاب سے نقل کیجیے یہ مسئلہ نازک ہے، عقول متوسط اس کی تحقیق سے عاجز ہیں پھر بھی اگر کوئی بحث وخوض میں پڑا تو خطرناک ہے۔ (۲) غیرمقلدین کیا کہتے ہیں اور آپ کے نقل کرنے کا مقصد کیا ہے؟ وہ تو حضرت عمر فاروق اور دیگر صحابہٴ کرام نیز ائمہ مجتہدین رحمہم اللہ تعالی پر زبان طعن دراز کرتے ہیں ان کی بدزبانی اور دشنام طرازی سے سنجیدہ پڑھا لکھا طبقہ اچھی طرح واقف ہے اور ان سے کنارہ کشی میں اپنے دین وایمان کی سلامتی سمجھتا ہے۔ اور اگر آپ غیرمقلدوں کی زبان بندی ہی کرنا چاہتے ہیں تو جس مسائل کو انہوں نے اپنا موضوع بنایا ہے ان پر لکھی کتابوں کا تفصیلی مطالعہ کرنا ہوگا۔ وحدة الوجود کا مطلب موٹے لفظوں میں یہ ہے کہ وجود اصلی اور حقیقی صرف اللہ تعالی کا ہے، دوسرے سارے موجودات اس کے وجود حقیقی کے سامنے لاشئ اور کالعدم ہیں جیسے سورج کے سامنے موم بتی کی روشنی کہ اس کا (موم بتی کی روشنی کا) وجود تو ہے مگر سورج کی روشنی کے سامنے لاشئ محض ہے۔