عنوان: اولیاء کے مزارات کی پہ جانا

سوال: سوال یہ ہے کہ ولی اللہ یا اولیاء کے مزارات کی پہ جانا مردوں کے لیے جائزہے یا نہیں؟ اور یہ عقیدہ رکھنا کہ ان کے مزاروں پہ جانے سے برکت ہوتی ہے ، روحانی سکون ملتاہے ، کیایہ سب صحیح ہے ؟براہ کرم، جواب دیں۔

جواب نمبر: 3998101-Sep-2020 : تاریخ اشاعت

بسم الله الرحمن الرحيم

فتوی: 1073-262/L=8/1433 اولیاء اللہ کے مزارات پر مردوں کے لیے جانا جائز ہے، البتہ وہاں جاکر سنت کے مطابق زیارت قبور کرکے واپس آجانا چاہیے، وزارات پر اپنے نفع ونقصان کے لیے جانا اور ان کی روحوں کو اپنے افعال واحوال پر مطلع جان کر ان کی قبر کے سامنے عاجزی وانکساری ظاہر کرکے مرادیں مانگنا جائز نہیں۔ برکت اور روحانی سکون کی غرض سے جانا درست ہے۔ وأما الأولیاء لإنہم متفاوتون في القرب من اللہ تعالی، ونفع الزائرین بحسب معارفہم وأسرارہم قال ابن حجر في فتاواہ ولا تترک لما یحصل عندہا من منکراتٍ ومفاسد کاختلاط الرجال بالنساء وغیر ذلک لأن القربان لا تترک لمثل ذلک․ (شامي: ۳/۱۵۰)