عنوان: ختم نبوت زمانی

سوال: میں نے یہ الزام سناہے کہ حضرت مولانا محمد قاسم نانوتوی رحمتہ اللہ علیہ نے اپنی کتاب تحذیر الناس میں لکھا ہے کہ اگر کوئی نبی آتاہے تو اس سے ختم نبوت پر کوئی اثر نہیں پڑے گا، قادیانی اس بات کر لے کر اپنے عقیدہ کو ثابت کرنے کی کوشش کررہے ہیں اور بریلوی اس سے یہ ثابت کررہے ہیں کہ محمد قاسم نانوتوی رحمتہ اللہ علیہ آخری نبی پر ایمان نہیں رکھتے تھے؟اس بڑے الزام کا جواب کیا ہے؟

جواب نمبر: 3955101-Sep-2020 : تاریخ اشاعت

بسم الله الرحمن الرحيم

فتوی: 1121-697/L=8/1433 بانی دارالعلوم دیوبند حضرت مولانا محمد قاسم صاحب قدس سرہ العزیز کی طرف جو مضمون انکار ختم نبوت زمانی کا نسبت کیا گیا ہے بالکل جھوٹ اور افتراء ہے، حجة الاسلام نے اپنی کتاب تحذیر الناس میں ختم نبوت کے تین درجات اور تین مراتب بیان فرمائے ہیں، (۱) ختم نبوت مرتبی (۲) ختم نبوت مکانی (۳) ختم نبوت زمانی اور تینوں اعتبار سے آپ کا خاتم النّبیین ہونا ثابت فرمایا ہے۔ ”عبارات اکابر“ موٴلف سرفراز خان صاحب صفدر علیہ الرحمة میں بعنوان ”مسئلہٴ ختم نبوت اور حضرت نانوتوی علیہ الرحمة“ ۱۱۹ تا ۱۲۹ پر اس اشکال کا تحقیقی جواب مذکور ہے، اگر تفصیل مطلوب ہو تو اس کتاب کا مطالعہ کرلیں۔