عقائد و ایمانیات >> اسلامی عقائد
سوال نمبر: 38875
جواب نمبر: 38875
بسم الله الرحمن الرحيم
فتوی: 1029-853/B=6/1433 سماع موتی کا مسئلہ مختلف فیہ مسئلہ ہے اس میں پڑنے کی ہمیں ضرورت نہیں، ہمارا کام بس اتنا ہے کہ ہم قبرستان جائیں تو وہاں مردوں کو سلام کہیں اور کچھ قرآن وغیرہ کا حصہ پڑھ کر مردہ کو ایصالِ ثواب کردیں اور ان کے لیے دعائے مغفرت کردیں۔ ہمارے جانے پر وہ ہمیں دیکھتے اور پہچانتے ہیں یا نہیں، ہمارے سلام کو سنتے اور جواب دیتے ہیں یا نہیں، اس بحث میں نہ پڑنا چاہیے، نہ تو اس کے بارے میں ہم سے پوچھ ہوگی، نہ ہی یہ ہمارے لیے نجات کا ذریعہ ہے۔ ہاں کسی مردے کے جسم کی چیر پھاڑ کی جائے تو اسے تکلیف ہوتی ہے۔ کسر عظم المیت ککسرہ حیا۔
واللہ تعالیٰ اعلم
دارالافتاء،
دارالعلوم دیوبند