عقائد و ایمانیات >> اسلامی عقائد
سوال نمبر: 179843
ہمارے محبوب علماء کرام اور دنیا کے سب سے اچھے مرد جناب مالا بد منہ میں 15 باتیں کلمہ کفر کی ہیں وہ ہمیں بتا دیں ان کے علاوہ اور کیا ہیں کلمہ کفر وہ بھی بتا دیں کیا ان الفاظ سے انسان کافر ہو جائے گا؟
جواب نمبر: 179843
بسم الله الرحمن الرحيم
Fatwa : 47-96/B=02/1442
کسی مسلمان پر کفر کا فتویٰ لگانا بڑے دل گُردے کی بات ہے۔ جب کفر بواح ہو جس میں کسی طرف سے کوئی تاویل ممکن نہ ہو۔ اگر کسی بابت ۹۹/ فیصد کفر کی تاویل نکلتی ہو اور ایک تاویل عدم کفر کی نکلتی ہو تو حضرت امام ابوحنیفہ رحمہ اللہ اس پر کفر کا فتویٰ لگانے سے منع کرتے ہیں۔ کفر کی باتیں ۱۵/ ہی تک محدود نہیں ہیں، ان کے علاوہ بھی بہت سی باتیں ہیں۔ اس لئے جو صورت پیش آئے اس کی اچھی طرح تحقیق کرکے اور صاحب معاملہ سے بیان لے کر غور و فکر کرکے فتویٰ لگانا چاہئے۔ اس کا پس منظر معلوم کئے بغیر فتویٰ لگانا جائز نہ ہوگا۔
واللہ تعالیٰ اعلم
دارالافتاء،
دارالعلوم دیوبند