عقائد و ایمانیات >> اسلامی عقائد
سوال نمبر: 179754
ہماری مقامی مسجد میں جب مقررشدہ امام موجود نہیں ہوتے ہیں تو ایک شخص ہے جو فوراً آگے بڑھ جاتاہے اور نماز پڑھا دیتاہے، مسئلہ یہ ہے کہ وہ شخص اس پر ایمان نہیں رکھتاہے کہ پیغمبر حضرت عیسی علیہ السلام رفع الی السماء ہوگئے ہیں، اور وہ اب بھی حیات ہیں، نیز قیامت سے پہلے وہ نہیں آئیں گے، وہ اپنے یہ خیالات کئی مرتبہ ظاہر کرچکاہے، تو کیا اس کے پیچھے ہمیں نماز پڑھنے کی اجازت ہے ؟اگر ہم اس کے پیچھے نماز پڑھ لیں تو کیا ہماری ہوجائے گی؟ براہ کرم، رہنمائی فرمائیں۔
جواب نمبر: 179754
بسم الله الرحمن الرحيم
Fatwa:33-28/sd=2/1422
حضرت عیسی علیہ السلام کے آسمان پر اٹھائے جانے اور قرب قیامت دنیا میں نازل ہونے کا انکار کرنے والا شخص کافر اور دائرہ اسلام سے خارج ہے۔ (دیکھیے : تحفہ قادیانیت، جلد سوم) ایسے شخص کو امام بنانا قطعا جائز نہیں ہے ، اس کے پیچھے کسی مسلمان کی نماز صحیح نہیں ہوگی۔
واللہ تعالیٰ اعلم
دارالافتاء،
دارالعلوم دیوبند