عنوان: عالم كی توہین پر تجدید ایمان یا نكاح كا مسئلہ

سوال: کیا فرماتے ہیں علمائے کرام مسئلہ ذیل میں حضرت مفتی صاحب عالم کی توہین کس صورت میں کفر ہے؟ اگر کوئی شخص کسی عالم دین کی توہین کرکے کافر ہوجائے تو کیا اس کا نکاح دوبارہ پڑھایا جائے گا اور کیا تجدید نکاح کے لئے عدت بھی گزارنی ہوگی؟ نیز کتنے دن کی عدت گزارنی ہوگی؟

جواب نمبر: 17423001-Sep-2020 : تاریخ اشاعت

بسم الله الرحمن الرحيم

Fatwa : 183-141/SN=03/1441

(۱، ۲) اگر کسی عالم دین کی توہین محض اس کے عالم دین ہونے کی بنیاد پر کی جائے تو یہ کفر ہے، اگر کسی کی طرف سے اس طرح کی توہین صادر ہو جائے تو اس پر تجدید ایمان و نکاح ضروری ہے، تجدید ایمان کے بعد تجدید نکاح کے لئے بیوی پر عدت گزارنا ضروری نہیں ہے، دورانِ عدت بھی تراضی طرفین سے نکاح ہو سکتا ہے۔ والاستخفاف بالعلماء لکونہم علماء استخفاف بالعلم، والعلم صفة اللہ تعالی منحہ فضلاً علی خیار عبادہ لیدلّوا خلقہ علی شریعتہ نیابة عن رسلہ فاستخفافہ بہذا یعلم أنہ إلی من یعود ․․․․ والاستخفاف بالأشراف والعلماء کفر ۔ (مجمع الأنہر: ۱/۶۹۵، الفاظ الکفر أنواع، الرابع فی الاستخفاف بالعلم ، ط: بیروت) ۔

-----------------------------

جواب درست ہے، اور اگر کوئی واقعی صورت پیش آئی ہو تو اس کی تفصیل لکھ کر سوال کر لیا جائے۔ (ل)