متعلقہ سوالات

کیا انسانی جسم کے کسی عضو کو دان کرنا اسلام میں جائز ہے؟

میرا سوال یہ ہے کہ اگر حمل رہنے کی وجہ سے عورت کی جان کو خطرہ ہے تو حمل گرانا چاہیے یا نہیں، حمل گرنے کے کتنے دن کے بعد نماز پڑھنا چاہیے، اور جو دو مہینے یا تین مہینے کے حمل گرتے ہیں تو کیا یہ بچے بھی قیامت کے دن نجات کا ذریعہ بنتے ہیں جیسا کہ حدیث میں آتا ہے کہ صبر کرنے سے اللہ پاک اجر دیتے ہیں یا پھر وہ جو پیدا ہونے کے بعد مر جاتے ہیں؟ او رکیا اگر ڈاکٹر بول دے کہ جان کو خطرہ ہے گرانا پڑے گا تو ہمیں کرنا چاہیے یا نہیں؟

میں ایک سرکاری ملازم ہوں۔ ہمارے یہاں دفتر میں اگر کوئی کام نہیں کرتا تو دوسرے اس کے پیٹھ پیچھے باتیں کرتے ہیں یا اس کی شکایت کرتے ہیں۔ تو کیا یہ بھی چغلی میں آتا ہے یا یہ درست ہے؟

میرے والد اپنے نام کے ساتھ شیخ لکھا کرتے تھے، مگر کہتے تھے کہ ہم شیخ نہیں ہیں لیکن مجھے نہیں معلوم کہ ہماری کون سی ذات ہے۔ کچھ رشتہ دار کہتے ہیں کہ ہم راجپوت ہیں، کچھ کہتے ہیں کہ ہم لوہار ترخان ہیں، کچھ کہتے ہیں کہ ہم برجی ہیں۔ لیکن شیخ نہیں ہیں، یہ بات تو پکی ہے۔ کچھ دن پہلے مجھے پرانے کاغذات ملے 1922کے۔ جس پر میرے پر دادا کے والد کی قوم نجار لکھی ہوئی تھی اور پیشہ گھڑی سازی لکھا ہوا تھا، جس سے میرے دل میں یہ بات پکی ہوگئی ہے کہ ہم نجار ہیں۔ یہ بھی مجھے معلوم ہے کہ میرے باپ دادا کا پیشہ گھڑی سازی ہی تھا یہ تو اور سب رشتہ داروں کو بھی پتہ ہے۔ (۱)سوال یہ ہے کہ مجھے اپنی ذات کون سی بتانی چاہیے کیوں کہ لوگ پوچھتے ہیں؟ (۲)کیا اپنی غلط ذات لکھنا گناہ کبیرہ ہے؟ او راگر صرف شوقیہ غلط ذات لکھی جائے کسی کو دھوکا دینا مقصود نہ ہو تو کیا پھر بھی گناہ ہے؟ (۳)نجار قوم/ذات کیا ہے؟ اوراس کی ابتداء کہاں سے ہوئی؟

میری کزن حجن ہے اور وہ اکثر و بیشتر عمرہ کرنے کے لیے جاتی ہے۔ وہ اور اس کے مرد ساتھی عرب امارات میں نقدر رقم (بطور امانت کے) لوگوں سے لیتے ہیں اور ہر ماہ ان کو اس رقم کا دس فیصد دیتے ہیں۔ وہ زر امانت یا جمع شدہ رقم جو کہ ان کو دی جاتی ہے جب بھی ان کو واپس لینا چاہیں بغیر کسی کٹوتی کے واپس مل جاتی ہے۔جب ان سے اس رقم کی سرمایہ کاری کے بارے میں بات چیت کی گئی تو انھوں نے بتایا کہ اس رقم کوسامانوں کو ایکسپورٹ اور امپورٹ کرنے میں استعمال کرتے ہیں اور جو دس فیصد کی رقم ہر ماہ دی جاتی ہے وہ حلال رقم ہے۔ لیکن مجھ کو ان کی بات سے اطمینان نہیں ہے کیوں کہ یہ بات کیسے ممکن ہے کہ کوئی شخص ہر ماہ ہماری جمع شدہ رقم پر دس فیصد دے اور جب ہم اس رقم کو واپس لینا چاہیں تو وہ رقم بغیر کسی کٹوتی کے واپس بھی ہوجاتی ہو؟ میرا سوال یہ ہے کہ اگر چہ ہم سے کہا جاتا ہے کہ اس کو اچھی جگہوں میں استعمال کرتے ہیں لیکن اگر کبھی غلط جگہ پر استعمال کی گئی تو ہم کو کبھی بھی نہیں معلوم ہوگا تو اس صورت میں کیا حکم ہے؟کیا جو رقم یعنی دس فیصد ہر ماہ وصول کی جاتی ہے وہ حلال ہے،یا سود شمار کی جائے گی؟ برائے کرم وضاحت فرماویں۔