عنوان: قبر کے سامنے ہاتھ اٹھا کر دعا مانگنا؟

سوال: کیا میں قبر کے سامنے ہاتھ اٹھا کر دعا مانگ سکتا ہوں؟پوری وضاحت سے جواب تحریر فر مائیں۔ کیا میں ہاتھ کو باندھ کر فاتحہ پڑھ سکتا ہوں؟یا ہاتھ کو نیچے ہی رکھ کر پڑھنا چاہئے ؟اور ایک سوال ہے ، کیا کوئی بابا یا کوئی اللہ والوں کے وسیلے سے دعا مانگ سکتا ہوں؟ براہ کرم جواب تحریر فرما ئیں۔

جواب نمبر: 15604901-Sep-2020 : تاریخ اشاعت

بسم الله الرحمن الرحيم

Fatwa:222-166/L=2/1439

(۱) قبر پر ہاتھ اٹھاکر میت کے لیے دعا کرنے کی گنجائش ہے ؛البتہ ایسی صورت میں رخ قبلہ کی طرف ہونا چاہیے تاکہ اہلِ قبر سے سوال کا ایہام پیدانہ ہو ۔في حدیث ابن مسعود رضي اللّٰہ عنہ: رأیت رسول اللّٰہ صلی اللّٰہ علیہ وسلم في قبر عبد اللّٰہ ذي النجادین“ الحدیث۔ وفیہ: ”فلما فرغ من دفنہ استقبل القبلة رافعا یدیہ“۔ أخرجہ أبوعوانہ في صحیحہ۔ (فتح الباري: ۱۱/۱۴۴رقم: ۶۳۴۳الدعوت / باب الدعاء مستقبل القبلة)

(۲) نماز کی طرح ہاتھ باندھ کر فاتحہ پڑھنے کا حکم نہیں ہے؛بلکہ ہاتھ کو اپنی حالت پر چھوڑدینا چاہیے ،اگر کسی وجہ سے ہاتھ کو سینے وغیرہ پر رکھ لیا تو بھی مضایقہ نہیں ہے۔

(۳) آنحضرت صلی اللہ علیہ وسلم یا کسی نیک بزرگ یا اعمالِ صالحہ وغیرہ کے وسیلے سے دعا کرنے کی گنجائش ہے۔