عنوان: رشوت میں سود كا پیسہ دینا؟

سوال: ہمارے ملک میں چھوٹے چھوٹے سرکاری کاموں کی رشوت لیتے ہیں جس کے بغیر کوئی کام نہیں ہوتا، تو اگر رشوت میں سود کا پیسہ دیا جائے تو یہ شریعت کی رو سے درست ہے یا نہیں؟

جواب نمبر: 6975101-Sep-2020 : تاریخ اشاعت

بسم الله الرحمن الرحيم

Fatwa ID: 1183-1086/SN=12/1437 رشوت میں سود کی رقم دینا شرعاً جائز نہیں ہے؛ اس لیے کہ ”سود“ کی رقم یا تو مالک (بینک یا حکومت وغیرہ) کو لوٹانا ضروری ہے یا پھر غریبوں مسکینوں کو بلا نیت ثواب دے دینا ضروری ہے، رشوت میں جو رقم دی جاتی ہے وہ حکومت کے کھاتے یعنی مالک کے قبضہ میں نہیں جاتی؛ بلکہ افسران کے جیب میں جاتی ہے۔