معاملات >> سود و انشورنس
سوال نمبر: 603749
لون کا سود بینک میں جمع رقم کے سود سے بھرنا
کیا فرماتے ہیں مفتیان اکرام اس بارے میں کہ ہم نے پانچ سال کے لیے ہوم لون لیا ہے ۔ پانچ سال میں ہوم لون پر انٹریسٹ کی رقم دو لاکھ بنتی ہے اور انکم ٹیکس بھی دو ہی لاکھ بنتا ۔ تو کیا اس انٹریسٹ کی تلافی انکم ٹیکس کے ذریعہ کی جا سکتی ہے ۔ جبکہ ہر سال کا الگ الگ انٹریسٹ اور انکم ٹیکس جوڑا جائے تو حساب برابر نہیں ہوتا۔
جواب نمبر: 603749
بسم الله الرحمن الرحيم
Fatwa:718-508/sn=8/1442
جس بینک سے آپ نے لون لیا ہے، اسی طرح جس بینک میں آپ کا کھاتا ہے دونوں اگر سرکاری ہوں تو صورت مسئولہ میں بینک سے ملنے والے سود سے انکم ٹیکس میں جانے والی رقم کی تلافی کرسکتے ہیں، بس حساب رکھنا ضروری ہے کہ کتنی رقم انکم ٹیکس میں گئی اور کتنی رقم سود میں سے لی گئی۔ واضح رہے کہ غیر سرکاری بینک سے حاصل شدہ سودی رقم سے انکم ٹیکس کی تلافی کرنا شرعا جائز نہیں ہے۔
واللہ تعالیٰ اعلم
دارالافتاء،
دارالعلوم دیوبند