معاملات >> سود و انشورنس
سوال نمبر: 18493
کمپنی
کی طرف سے لائف انشورنس فنڈ کا حکم
میں
پاکستان کی ایک ملٹی نیشنل کمپنی میں کام کرتا ہوں۔ کمپنی نے اپنی طرف سے اپنے
تمام ملازمین کے لیے لائف انشورنس کا انتظام کیا ہے۔(ملازم کی مرضی نہیں معلوم کی
جاتی ہے اور ملازم کے ذریعہ سے کوئی قسط ادا نہیں کی جاتی ہے)۔میرا سوال یہ ہے کہ
اگر نوکری کے درمیان میرا انتقال ہوجائے تو کیا میری بیوی اور بچے انشورنس کی یہ رقم
میری کمپنی سے لے سکتے ہیں اوراس کو استعمال کرسکتے ہیں؟
جواب نمبر: 18493
بسم الله الرحمن الرحيم
فتوی(ل): 30=30-1/1431
اگر کمپنی ملازم کی مرضی کے بغیر انشورنس کراتی ہے نیز اس میں ملازم کی طرف قسط ادا نہیں کی جاتی ہے تو یہ کمپنی کی طرف سے تبرع اور انعام ہے، آپ کے انتقال کے بعد آپ کی بیوی اور بچے اس رقم کو کمپنی سے لے کر استعمال کرسکتے ہیں۔
واللہ تعالیٰ اعلم
دارالافتاء،
دارالعلوم دیوبند