• معاملات >> سود و انشورنس

    سوال نمبر: 168749

    عنوان: سود حاصل کرنے کی غرض سے اپنی رقم بینک وغیرہ میں فکس ڈپوزٹ کروانا

    سوال: میں ایک سرکاری ملازم ہوں میرا سالانہ انکم ٹیکس تقریبا 80 ہزار روپے کٹتا ہے میرے پاس کچھ نقد روپیہ جمع تھے جس کی میں نے فکسڈڈپوزٹ کروادی ایک سرکاری بینک میں وہاں سے مجھ کو تقریبا 40 ہزار روپے سالانہ ملتے ہیں کیا میں اس کو انکم ٹیکس بچانے کے لئے استعمال کر سکتا ہوں۔

    جواب نمبر: 168749

    بسم الله الرحمن الرحيم

    Fatwa : 635-622/M=07/1440

    سود حاصل کرنے کی غرض سے اپنی رقم بینک وغیرہ میں فکس ڈپوزٹ کروانا، ناجائز ہے، اس سے بچنا چاہئے آئندہ اس کا خیال رکھیں فی الوقت آپ نے جس سرکاری بینک میں اپنی رقم فکس ڈپوزٹ کروائی ہے اگر مقررہ میعاد سے پہلے رقم نکلوانا دشوار ہے تو بحالت مجبوری صورت مسئولہ میں سرکاری بینک سے حاصل شدہ سودی رقم، انکم ٹیکس کی ادائیگی کے لئے استعمال کر سکتے ہیں۔


    واللہ تعالیٰ اعلم


    دارالافتاء،
    دارالعلوم دیوبند