عنوان:

اجتماعی طریقے پر كلمہ پڑھ كر شیرینی تقسیم كركے اپنے مرحومین کے لیے ایسال ثواب كرنا؟

سوال:

ہمارے یہاں اپنے مرحومین کے ایسال ثواب کے لیے مسجد شریف میں اجتمائی طریقے سے کلمہ طیبہ پڑا جاتا ہے ۔کیا یہ جائز ہے ؟اور بعد میں قہوہ(چاے ُ)اور شیرینی(مٹھاء)بانٹھ دی جاتی ہے ۔کیا یہ اسلام میں جائز ہے ؟مہربانی کر کے رہنمائی فرمائیں۔

جواب نمبر: 60326428-May-2021 : تاریخ اشاعت

بسم الله الرحمن الرحيم

Fatwa : 684-635/B=10/1442

 ایصال ثواب ایک انفرادی عمل ہے اس میں اجتماعیت نہ ہونی چاہئے۔ اور ایصال ثواب کے بعد حسب عادت و عرف جو ناشتہ کرایا جاتا ہے اس کے متعلق حضرت مولانا رشید احمد گنگوہی فرماتے تھے کہ اس میں بھی اجرت کا پہلو ہوتا ہے۔ تذکرة الرشید: 1/141، اس لئے اس سے بھی احتراز کرنا چاہئے۔ بعض جگہوں پر مرحومین کے لئے اجتماعی طریقہ پر مسجد یا مدرسہ میں کلمہ طیبہ پڑھ کر ایصال ثواب کیا جاتا ہے، یہ بھی شرعاً ثابت نہیں۔ ایصال ثواب کے بعد قہوہ یا شیرنی کا نظم کرنا بھی ثابت نہیں، اس میں اجرت کا شائبہ پایا جاتا ہے۔ جو کام کیا جائے سنت کے مطابق بالکل سادگی کے ساتھ کرنا چاہئے۔