عقائد و ایمانیات >> بدعات و رسوم
سوال نمبر: 167217
جواب نمبر: 167217
بسم الله الرحمن الرحيم
Fatwa : 398-349/M=4/1440
اجتماعی قرآن خوانی کا مروجہ طریقہ خرابیوں پر مشتمل ہونے کی وجہ سے لائق ترک ہے نیز قرآن خوانی کے عوض روپیہ لینا جائز نہیں ہے چاہے صراحةً طے کرکے لیا جائے یا لین دین کا رواج ہو، حصول دنیا کے لئے قرآن پڑھنے والوں کو ثواب نہیں ہوتا اور جب پڑھنے والوں کو ثواب نہیں ملتا تو وہ مرحومین کو کس طرح ایصال ثواب کرسکتے ہیں۔ اس لئے قرآن خوانی پر معاوضہ لینے اور مروجہ طریقے پر قرآن خوانی کرنے سے احتراز لازم ہے۔ ایصال ثواب کا بہتر طریقہ یہ ہے کہ انفرادی طور پر حسب موقع تلاوت کرکے میت کو ثواب پہونچا دیا کریں یا صدقہ و خیرات کرکے یا دیگر کارخیر کے ذریعہ ثواب پہنچا دیا کریں۔
واللہ تعالیٰ اعلم
دارالافتاء،
دارالعلوم دیوبند