عنوان: سہرا باندھنا کیسا ہے؟ اور نکاح میں کونسے کپڑے پہننا چاہئے؟

سوال: سہرا باندھنا کیسا ہے؟ اور نکاح میں کونسے کپڑے پہننا چاہئے؟

جواب نمبر: 15905401-Sep-2020 : تاریخ اشاعت

بسم الله الرحمن الرحيم

Fatwa:687-566/sn=7/1439

(۱) سہرا باندھنا در حقیقت ایک ہندوانہ رسم ہے، مسلمانوں کو اس سے احتراز کرنا چاہیے۔ (کفایت المفتی: ۹/۸۸، ط: دار الاشاعت، فتاوی محمودیہ: ۱۱/ ۲۱۱، ط: ڈابھیل)

(۲) عید، بقرعید وغیرہ کے موقع پر آدمی جو صاف ستھرا لباس پہنتا ہے ، نکاح کے موقع پر بھی اسی طرح کا لباس بہننا چاہیے، نکاح کے موقع پر کسی خاص لباس پہننے کا حکم نہیں ہے، باقی آدمی کو چاہیے کہ ہرموقع پر سنتی لباس یعنی وہ لباس جسے متقی پرہیزگار علماء وصلحاء زیب تن کرتے ہیں (جیسے ہمارے دیار میں کرتا، پاجامہ، ٹوپی، عمامہ) کا اہتمام کرے۔