متعلقہ سوالات

ہم چھ بھائی ہیں ، ہمارے والد اور والدہ کا انتقال تقریبا ۲۵/ سال پہلے ہوا ہے۔ ہمارے تیسرے نمبر کے بھائی جناب امیر امین والد کے ساتھ بزنس سنبھالتے تھے اور اپنے ساتھ پانچویں نمبر کے بھائی راشد امین کو بھی رکھتے تھے ۔ والد اور والدہ کے انتقال کے بعد ان دنوں بھائیوں نے دکان ومکان کا حصہ اپنے من کے مطابق لے کر چار بھائیوں کو تھوڑا بہت دے کر الگ کر دیا۔ ہم لوگوں کے اعتراض کرنے پر دونوں بھائیوں نے کہا کہ ہم والد کے ساتھ بزنس سنبھا لتے تھے ، اس لیے ہمارا حصہ ڈبل بنتاہے، اس لیے امیر امین اور راشد امین نے ڈبل حصہ لیا جبکہ سارا بزنس والد کے ہی کا بنایا ہوا تھا۔ میں عادل امین بھائیوں میں سے سب سے چھوٹا ہوں۔ ہم امید کرتے ہیں آپ اس کا جواب ڈاک کے ذریعہ ہمارے گھر کے پتہ پر ارسال کریں کہ شریعت کے حساب سے ہم بھائیوں میں کیا حصہ بنتاہے؟

1989 میں میرے والد صاحب نے ہم دو بھائیوں سے کہا کہ ہم مکان کی پراپرٹی کوہماری سب سے چھوٹی بہن کو منتقل کردیں (در اصل یہ ہمیں ہمارے بچپن میں ہمارے والد صاحب کی طرف سے دیا گیا تھا) جس کا ہم نے لحاظ کیا۔ اور یہ معاملہ دوسری تین بہنوں کومعلو م نہیں تھا۔ ہم بھائیوں نے والد صاحب سے اس مکان کو منتقل کرنے کے لیے معاوضہ طلب کیا۔ میرے والد صاحب نے کہا کہ اب ان کے پاس کوئی پیسہ نہیں ہے، ہاں تم میرے انتقال کے بعد میری املاک سے معاوضہ لے لینا۔2004میں میرے والد صاحب کے انتقال کے بعد جب ہم دو بھائی اور چار بہنوں نے میرے متوفی والد کی جائیداد کو 2007 میں تقسیم کیا تو ہم بھائیوں نے مکان کی پراپرٹی کا جوکہ ہم نے منتقل کردیا تھامعاوضہ مانگا ۔ تو ایگزیکیوٹر (وصیت پر تعمیل کرنے والا) نے ہم سے اس معاوضہ کے پیسہ کا جس کا ہمارے مرحوم والد صاحب نے وعدہ کیا تھا ثبوت مانگا ۔ہم نے کہا کہ صرف ہماری چھوٹی بہن اس کے بارے میں جانتی ہے۔ وہی اکیلی گواہ ہے۔ لیکن چھوٹی بہن نے کہا کہ میرے مرحوم والد صاحب نے بہت پہلے 1989میں کہاتھا، اس کے بعد انھوں نے اس کے بارے میں وضاحت نہیں کی۔ اور اس طرح ہمیں معاوضہ نہیں دیا گیا جیسا کہ ہمارے مرحوم والد صاحب نے وعدہ کیا تھا ۔ ہم بھائیوں نے دراصل مکان کی پراپرٹی 1989میں رجسٹریشن کے ذریعہ سے منتقل کردی تھی۔ اس معاملہ میں اسلامی قانون کیا ہے؟ برائے کرم ہمیں اسلام پر صحیح طریقہ سے عمل کرنے کے لیے بیان کریں۔

میرا سوال ملکیت پر ہے میرے ابو کے پاس ایک لاکھ روپئے ہیں اور وہ اب اس دنیا میں نہیں رہے اور ہم ایک بھائی اور تین بہنیں ہیں تو ہر ایک کے حصہ میں کتنی رقم آئے گی اوراگر اتنی رقم کی جائداد ہو تو اس کے حصے کس طرح ہوں گے؟برائے مہربانی حساب لکھ کر بتائیں۔

کیا والد کے کاروبار اور تجارت میں بیٹی کا حصہ ہوگا یا نہیں؟ ہمارے شہر کے چند عالموں کا کہنا ہے کہ والد کے کاروبار اور تجارت میں بیٹی کو ترکہ نہیں ملتا ہے۔ قرآن اور حدیث کی روشنی میں مذکورہ مسئلہ کا جواب دیں۔

ہمارے افراد خانہ میں والد، ماں، دو لڑکے اور چار لڑکیاں ہیں ہم لوگ اپنے گاؤں کے آبائی مکان میں رہتے ہیں۔ میں دو لڑکوں میں سے ایک ہوں۔ میری ماں کا انتقال 2003 میں ہوااور میرے والد صاحب کا 2004 میں۔ جس دن میرے والد صاحب کا انتقال ہوا تو میں نے اپنے بہنوئی سے کہا جو کہ ہمارے گھر کے ذمہ دار شخص ہیں کہ میری چھوٹی بہن سے کہیں (جو کہ ہمارے آبائی مکان میں بہت دنوں سے قابض ہے)مکان کو چار سے چھ ماہ کے درمیان میں خالی کردے تاکہ اس کو فروخت کردیا جائے اور شرعی قانون کے مطابق اس کو جائز وارثوں میں تقسیم کردیا جائے۔ میں آپ سے دو سوالات کے جوابات چاہتا ہوں: (۱) کیا اپنی بہن سے والد صاحب کے انتقال کے دن سے چار سے پانچ ماہ کے اندر مکان خالی کرنے کو کہنا گناہ ہے؟ (۲) اس طرح کی صورت حال میں اسلامی طریقہ کیا ہونا چاہیے جب کہ میری بہن نے آبائی مکان کو آج کی تاریخ (یعنی 18/10/2008) تک خالی نہیں کیا ؟ میں اپنے رخ کو واضح کرنا چاہتاہوں۔ میری بہن ہر وقت اس کے بارے میں مجھے لعن طعن کر رہی ہے۔