متعلقہ سوالات

میرے شوہر نے پندرہ سال پہلے دو لاکھ روپیہ میں ایک فلیٹ خریدا جس میں ستر ہزار قرض لے کر دیا۔ دو سال بعد میری ساس نے اپنا ذاتی فلیٹ اس شخص کو دے دیا جس نے میرے شوہر کو قرض دیا تھا لیکن کبھی انھوں نے ستر ہزار کا تقاضہ نہیں کیا۔ دس سال کے بعد ساس کا انتقال ہوگیا تو کیا اب میرے شوہر کو ستر ہزار وارثوں کو دینا ہوگا؟

ایک صاحب کے چند بیٹے ہیں جن میں سے سوائے ایک بیٹے کے سب بے روزگار ہیں، ایک بیٹا ان میں سے روزگار پر ہے جس سے وہ اپنی کمائی سے جائداد بنایا ہے۔ اب باپ جبراً اپنے جائداد والے بیٹے سے یہ تقاضا کرتا ہے کہ اس کی ساری جائداد اپنے سب بیٹوں میں تقسیم کردیں تاکہ وہ بھی کشادہ حال ہوجائیں، اور یہ از روئے شرع ناجائز ہے۔ از رائے کرم شریعت کی روشنی میں حقیقت جواب واضح فرمائیں۔

ہم چھ بھائی ہیں ، ہمارے والد اور والدہ کا انتقال تقریبا ۲۵/ سال پہلے ہوا ہے۔ ہمارے تیسرے نمبر کے بھائی جناب امیر امین والد کے ساتھ بزنس سنبھالتے تھے اور اپنے ساتھ پانچویں نمبر کے بھائی راشد امین کو بھی رکھتے تھے ۔ والد اور والدہ کے انتقال کے بعد ان دنوں بھائیوں نے دکان ومکان کا حصہ اپنے من کے مطابق لے کر چار بھائیوں کو تھوڑا بہت دے کر الگ کر دیا۔ ہم لوگوں کے اعتراض کرنے پر دونوں بھائیوں نے کہا کہ ہم والد کے ساتھ بزنس سنبھا لتے تھے ، اس لیے ہمارا حصہ ڈبل بنتاہے، اس لیے امیر امین اور راشد امین نے ڈبل حصہ لیا جبکہ سارا بزنس والد کے ہی کا بنایا ہوا تھا۔ میں عادل امین بھائیوں میں سے سب سے چھوٹا ہوں۔ ہم امید کرتے ہیں آپ اس کا جواب ڈاک کے ذریعہ ہمارے گھر کے پتہ پر ارسال کریں کہ شریعت کے حساب سے ہم بھائیوں میں کیا حصہ بنتاہے؟

میں ایک ریٹائرڈ ٹیچر ہوں۔ میرے ایک شوہر دو لڑکے اور ایک لڑکی ہے۔ میرے تمام بچے شادی شدہ ہیں۔ میں نے 19x33 فٹ ایریا کا ایک مکان تعمیر کیا ہے جس میں تہہ خانہ ، گراؤنڈ فلور، فرسٹ فلور، اور سکنڈ فلورہیں۔ میں نے اوپر مذکور پلاٹ کو اپنی تنخواہ سے خریدا تھا۔ اس کی تعمیر میں تقریباً میں نے ستر فیصد خرچ کیا ہے جب کہ باقی میرے بڑے لڑکے نے دیا ہے۔ اب پراپرٹی میرے نام پر ہے۔ جب کہ میں بوڑھی ہوچکی ہوں اس لیے میں اوپر مذکور پراپرٹی اپنے بچوں کے نام کرنا چاہتی ہوں، یعنی تہہ خانہ اور گراؤنڈ فلوراپنے بڑے لڑکے کے نام اور فرسٹ اور سکنڈ فلور اپنے دوسرے لڑکے کے نام کرنا چاہتی ہوں۔ میرا سوال یہ ہے کہ کیا میں اوپر مذکور پراپرٹی اپنے دونوں لڑکوں کو بطور تحفہ کے یا وصیت کے طور پر دے سکتی ہوں؟ برائے کرم جواب عنایت فرماویں۔

زید کی دس اولادیں ہیں۔ چار لڑکے اور چھ لڑکیاں۔ اس کے انتقال کو سترہ سال ہوچکا ہے۔ لیکن ابھی تک اس کی وراثت کی تقسیم نہیں ہوسکی۔ ان دس اولادوں میں سے صرف ایک اولاد کو ہی زید کی وراثت کے بارے میں پوری طرح معلوم ہے اور باقی نو بہن بھائیوں کو زید کے ترکہ کا پورا علم نہیں ہے۔ جس ایک اولاد کو زید کے ترکہ کا علم ہے اس کے مطابق زید نے اپنے دو فلیٹوں میں سے ایک فلیٹ اسے ہبہ کر دیا تھا۔ لیکن اس باعلم اولاد کے پاس ہبہ کی نہ کوئی تحریری دستاویز ہے اور نہ ہی کوئی گواہ۔ ہبہ کے لیے اس کے پاس ایک قرینہ ہے جسے تملیک پر دلالت کے لیے سمجھا جارہا ہے۔ وہ یہ ہے کہ اس فلیٹ کا بل اس کے نام پر زید کی زندگی میں ہی ہوگیا تھا۔ لیکن زید کی نیت فلیٹ کا بل اس کے نام بنواتے وقت ہبہ کی ہوگی یہ کیسے مانا جارہا ہے۔ ہوسکتا ہے زید کی نیت ہبہ کی نہ ہوکر کوئی دوسری وجہ ہو جس کے لیے اس فلیٹ کا بل اس لڑکے کے نام کیا گیا ہو۔ یہ بھی ہوسکتا ہے کہ اس لڑکے نے زید کو کوئی طریقہ سے بہلا پھسلا کر یا زید کی لا علمی میں فلیٹ کا بل اپنے نام کروالیا ہوگا۔ فلیٹ کے بل کو قرینہ ماننا کہاں تک صحیح ہے؟زید کی اس با علم اولاد کے اس دعوے کے مقابلہ میں اس کے باقی ماندہ بھائی بہنوں کے پاس بھی کوئی گواہ یا ثبوت نہیں ہے کہ زید نے وہ فلیٹ اسے ہبہ نہیں گیا ہے۔ ...