متعلقہ سوالات

میں اپنی جائیداد اپنی زندگی میں تقسیم کرنا چاہتا ہوں۔ میری ایک بیوی، چار لڑکیاں اورایک لڑکا ہے۔ کس تناسب سے ہر ایک میری جائیداد سے حصہ پائے گا۔ ایک گھر پہلے ہی سے میری بیوی کے نام سے ہے جس کو میں نے مہر میں دیا تھا۔ ایک گھر میرے لڑکے کے نام پر ہے۔ بقیہ مکانات اور زمینیں میرے نام پر ہیں۔ کیا میں اپنی بیوی کے نام کی جائیداد جس کو میں نے اس کو بطور مہر کے دیا تھا تقسیم کے لیے اپنی جائیداد میں شامل کرلوں؟ جو مکان میرے لڑکے کے نام سے ہے کیا وہ بھی جائیداد میں شامل کیا جائے گا ،سب لوگوں کے درمیان تقسیم کرنے کے لیے۔

جناب میرے نانا جان کا نام محمد عمر عبداللطیف ہے۔ ان کی عمر ۸۵/سال ہوچکی ہے۔ کان سے کم سنتے ہیں۔ سانس پھولنے کی بیماری ہے۔ ان کے تین بیٹے اور پانچ بیٹیاں ہیں جن میں ایک بیٹے اور ایک بیٹی کی شادی نہیں ہوئی ہے۔ ان کے پاس تیس پاور لوم اور ایک گھر ہے۔ گھر کو بیچنے پر ۳۰۰۰۰۰/روپیہ ملتا ہے۔ ساری اولاد بٹوارہ چاہتی ہیں۔ (۱)کیا شریعت کے مطابق بٹوارہ ممکن ہے؟ (۲) اگر بٹوارہ ہو سکتاہے تو کس حساب سے ہو گا اور کس کو کتنا ملے گا؟ (۳) کیامیرے نانا اپنی زندگی میں کسی ایک کو اپنے حصہ کا مالک بنا سکتے ہیں؟ (۴) میرے نانا نے ایک آدمی کو پنچ بنا کر کہ جو یہ کہیں گے مجھے منظور ہوگا۔ اس آدمی نے ۳۰/ لوم میں سے تین لوم بیٹے کو اور تین لوم بیٹی کے حساب سے برابر بانٹ دئے اور چھ لوم نانا کو دے دئے۔ اب گھر کی قیمت میں ۳۵/فیصد نانا کو دے کر باقی کے پیسے بیٹوں اوربیٹیوں میں برابر برابر بانٹنا چاہتے ہیں۔ کیا یہ صحیح فیصلہ ہوا ہے؟ مہربانی کرکے مدد کیجئے۔

زید کے ترکہ کی تقسیم کس طرح کی جائے گی؟ وارثین میں ایک بیوی، دو بیٹے، چار بیٹیاں اور ایک مرحوم لاولد بیٹا (بیوہ حیات)۔ (۲) مرحوم بیٹے کے حصے (ترکے) کی تقسیم کس طرح ہوگی؟ اس کے وارثین میں ایک ماں، دو بھائی، چار بہنیں اور ایک بیوی ہے؟

میرے سسر کی ایک دکان اورایک فلیٹ ہے۔ میرے سسر کا ذہنی توازن خراب ہونے کی وجہ سے یہ دکان میرے شوہر کے بچپن سے بند تھی۔ سسر بیماری سے قبل اس دکان کو چلاتے تھے جب وہ بیمار ہوئے تو دکان بند کردی گئی اور سامان آہستہ آہستہ بیچ کر ختم کردیا۔ پھر پندرہ سال بعد میرے شوہر اورمیرے جیٹھ اس دکان کو چلاتے ہیں۔ دکان جب کھولی تو دکان خالی تھی آہستہ آہستہ دکان میں سامان ڈالتا رہا اور دکان ترقی کرتی گئی، یہاں تک کہ دکان کی کمائی سے دو جائیداد خریدی گئی۔دکان سے نفع نقصان دونوں ہی ہوتا رہا ۔ اب دکان پر تقریباً آٹھ لاکھ کا قرض ہے دونوں بھائی باری باری اس دکان کوچلاتے رہے کبھی ایک بھائی کبھی دوسرا بھائی۔ میری ساس کا انتقال میرے شوہر کے بچپن میں ہوگیا تھا۔ میرے سسر کے انتقال سے قبل ان کے والدین، دادا، دادی اور نانی کا بھی انتقال ہوگیا تھا۔ میرے سسر کے انتقال کے وقت ان کے وارثوں میں چار بیٹے اور ایک بیٹی حیات تھیں۔ سسر کے انتقال کے بعد بیٹی سلمی کا بھی انتقال ہوگیا۔ سلمی کے وارثوں میں چار بیٹے ایک بیٹی اور شوہر حیات ہیں۔ ا س کے بعد بڑے بیٹے فاروق کا بھی انتقال ہوگیا ان کے انتقال کے وقت ان کے وارثوں میں ایک بیوہ اور چار بیٹی حیات تھیں، پھر مرحوم فاروق کی بیوہ کا بھی انتقال ہوگیا۔ بیوہ کے انتقال کے وقت ان کے وارثوں میں چار بیٹی ایک بھائی اور دو بہنیں حیات ہیں، پھر میرے شوہر محمد اسلم کا بھی انتقال ہوگیا۔ان کے وارثوں میں ایک بیوہ اور دو بیٹی حیات ہیں۔ اب یہ وراثت میرے سسر کے وارثوں میں کس طرح تقسیم ہوگی؟ ترکہ سے متعلق چند سوال درج ذیل ہیں: (۱)میرے سسر کا ذہی توازن میرے شوہر کے بچپن سے خراب تھا۔ دکان کو دو بیٹوں محمد فاروق اور محمد اسلم نے چلایا تھا۔ اس دکان سے جو دو جگہیں خریدی گئیں تھیں، کیا وہ بھی سسر کے ترکہ میں آئیں گی یا پھر وہ دو جگہیں دو بھائیوں کا ترکہ ہیں؟ (۲)جو دو جگہیں خریدی گئی تھی ان میں سے ایک جگہ مرحوم محمد فاروق کی بیوہ نے بیچ کر رقم یہ کہہ کر رکھ لی کہ یہ میرے شوہر کی کمائی سے خریدی گئی تھی اس پر میرا حق ہے۔ جو جگہ بیچی گئی ہے اس جگہ کا ترکہ کیسے ہوگا؟

میرے بھائی نے ماں، بیوی اور چھ سالہ لڑکے کے علاوہ دو چھوٹے بھائی بھی چھوڑے ہیں جن کی ابھی شادی نہیں ہوئی ہے، ان کی عمر31اور 28سال ہے، اورتین بہنیں بھی ہیں جن میں سے دو شادی شدہ ہیں اور تیسری بہن کی اسی ماہ میں شادی ہونے والی ہے۔ برائے کرم وراثت پر تفصیلی فیصلہ دیں۔

ہماری چچی حیات بی بی کاانتقال دو سال پہلے ہوا۔ انھوں نے درج ذیل وارث چھوڑے:(۱)شوہر (عمر100سال)۔ (۲) لڑکا (ذکی الدین شاہ) ستر سال سے زیادہ عمر (شادی شدہ بچوں کے ساتھ)۔ (۳) لڑکی (ظہورن بی بی) عمر تقریباً ستر سال (شادی شدہ بچوں کے ساتھ)۔ (۴) لڑکی (نور بی بی)تقریباً پینسٹھ سال، جس کی شادی ہوگئی تھی اوراس کے آٹھ بچے تھے اور وہ بچوں اور گھر کوچھوڑ کر چلی گئی ہے اورکوئی اس کے بارے میں نہیں جانتا ہے (وہ کہاں ہے زندہ ہے یا مردہ ) ؟ بہت زمانہ سے کوئی رابطہ نہیں ہے ہم نے اس کو تلاش کرنے کی ہر ممکن کوشش کی۔ ان حالات میں ہم اپنی چچی حیات بی بی کی جائیداد کیسے تقسیم کریں گے؟ کیا ہم اس کی دوسری لڑکی کو مردہ تصور کریں اور حیات بی بی کی جائیداد کو اس کے شوہر، ایک لڑکا اور ایک لڑکی کے درمیان تقسیم کردیں یا ہمیں اس کی دوسری لڑکی کا حصہ بھی لگانا ہوگا اور اس حصہ کواس کے لڑکوں کودینا ہوگا؟ یہ بات قابل غور ہے کہ نور بی بی کی عمر کی (ستر سال) سب تو نہیں لیکن اکثرعورتیں اب انتقال کرچکی ہیں۔ ہم جائیداد کو رکھنے کے لیے (مکمل یا کم)مناسب تقسیم کے بغیر مزید انتظار نہیں کرسکتے ہیں۔