معاملات >> وراثت ووصیت
سوال نمبر: 605278
ایک بیوی اور ایک بیٹی کے درمیان تقسیم وراثت
صورتِ مسٴلہ یہ ہے کہ میت نے وارثین میں صرف بیٹی اور بیوی کو چھوڑا ہے ۔ سوال یہ ہے کہ شرعی اعتبار سے میت کے مال میں سے کس کو کتنا حصہ ملے گا؟ سہل ترین انداز میں تشفی بخش جواب دے کر ممنون و مشکور ہوں۔ جزاکم اللہ خیراً وأحسن الجزاء
جواب نمبر: 605278
بسم الله الرحمن الرحيم
Fatwa : 1297-908/H=11/1442
اگر صرف بیٹی اور بیوی ہی کو چھوڑا ہے تو حکم یہ ہے کہ بعد اداءِ حقوق متقدمہ علی المیراث مرحوم کاکل مالِ متروکہ آٹھ حصوں پر تقسیم کرکے ایک حصہ مرحوم کی بیوی کو ملے گا اور سات حصے بیٹی کو ملیں گے اگر مرحوم نے والدین دادا دادی نانی بھائی بہن چچا وغیرہ میں سے بھی کسی کو چھوڑا ہو تو اسوال دوبارہ کریں۔
واللہ تعالیٰ اعلم
دارالافتاء،
دارالعلوم دیوبند