معاملات >> وراثت ووصیت
سوال نمبر: 600549
میرے بڑے بھائی نے ۲۰۱۲میں وراثت تقسیم کی جو ہمارے والد صاحب کی تھی اس مواقع پر میری والدہ نے مجھے فلیٹ میں حصہ لینے سے منع فرمایا اور کہا اگر تم نے اس میں اپنا حصہ لیا تو میں اپنا دودھ نہیں بخشوں گی والدہ ماجدہ اب بھی حیات ہیں کیا اس طرح انکا قسم دینا جائز ہے ؟
جواب نمبر: 600549
بسم الله الرحمن الرحيم
Fatwa:191-131/L=3/1442
اگر آپ کا اس فلیٹ میں حصہ ہے تو آپ اس میں سے اپنا حصہ لے سکتے ہیں ،آپ کی والدہ ماجدہ کا یہ کہنا کہ اگر تم نے اس میں سے اپنا حصہ لیا تو میں اپنا دودھ نہیں بخشوں گی اس کا اعتبار نہ ہوگا؛ تاہم اگر آپ اپنی والدہ کے لحاظ میں اس فلیٹ سے حصہ نہ لے کر دیگر ترکہ سے حصہ لے لیں تو اس کی گنجائش ہوگی۔
واللہ تعالیٰ اعلم
دارالافتاء،
دارالعلوم دیوبند