عنوان: كیا جائیداد میں شادی شدہ بیٹیوں كا بھی حصہ ہوتا ہے؟

سوال:

والد کے انتقال ہوجانے کے بعد باپ کی تمام زمین اور جائیداد میں بیٹیوں کا حصہ ہوتاہے کیا ؟ جب کہ بیٹی شادی شدہ ہو، دوسرا یہ کہ بھائی بہنوں کو نہ دے رہے ہوں، تو بہنوں کا کیا کرنا چاہئے؟

جواب نمبر: 60047921-Oct-2020 : تاریخ اشاعت

بسم الله الرحمن الرحيم

Fatwa:111-52/N=2/1442

 (۱، ۲): شریعت اسلامیہ میں ماں باپ کے ترکہ میں بیٹوں کی طرح بیٹیوں کا بھی حصہ ہوتا ہے اگرچہ بیٹیاں شادی شدہ ہوں۔ اور بھائیوں پر بھی ماں باپ کے ترکہ سے بہنوں کواُن کا شرعی حصہ دینا ضروری ہے۔ اور اگر بھائی، بہنوں کا حصہ ہڑپنا چاہیں تو بہنیں ہر مناسب طریقے پر اپنے شرعی حصہ کا مطالبہ کرسکتی ہیں، انھیں اِس کا شرعاً مکمل حق ہے۔

قال اللّٰہ تعالٰی: ”للرجال نصیب مما ترک الوالدٰن والأقربون وللنساء نصیب مما ترک الوالدٰن والأقربون مما قل منہ أو کثر نصیبا مفروضاً“ (سورة النساء، رقم الآیة: ۷)۔