معاملات >> وراثت ووصیت
سوال نمبر: 600409
کیا فرماتے ہیں علماء دین اورمفتیان شرع متین مسئلہ ذیل کے بارے میں کہ زید اپنے ماں کو کچھ زیورات پہننے کیلئے دیا اور ماں لیتے وقت کچھ گواہوں کے سامنے یہ بولی کہ اگر میں کچھ ہوجاؤں یا وفات پاجاؤں تو مذکورہ زیورات میرا بیٹا زید(مالک )کو واپس کردینا پھر چند مہینے بعد زید کا والدہ انتقال ہو چکی اب سوال یہ ہے کہ مذکورہ زیورات زید کو واپس کیا جائیگا ؟یاوارثین کے مابین تقسیم؟
جواب نمبر: 600409
بسم الله الرحمن الرحيم
Fatwa : 116-114/SN=03/1442
اگر آپ نے والدہ کو زیورات محض پہننے کے لئے عاریتاً دیا تھا جیسا کہ سوال سے معلوم ہوتا ہے تو صورتِ مسئولہ میں یہ زیورات والدہ مرحومہ کا ترکہ نہیں بنیں گے؛ بلکہ اس کے مالک بدستور آپ ہی ہیں؛ لہٰذا آپ کو ہی واپس ملیں گے۔
واللہ تعالیٰ اعلم
دارالافتاء،
دارالعلوم دیوبند