معاملات >> وراثت ووصیت
سوال نمبر: 600152
زندگی میں بیٹی کو اپنی پوری جائداد کا مالک بنا دینا
میرا سوال یہ ہے کہ میری ایک بیٹی ہے اور اگر ہم اپنی زندگی میں اپنی پروپرٹی اپنے بیٹی کے نام کرنا چاہیں تو کیا کرسکتے ہیں؟
براہ کرم، اس بارے میں شرعی رہنمائی فرمائیں۔
جواب نمبر: 600152
بسم الله الرحمن الرحيم
Fatwa:58-38/sn=2/1442
محض نام کرنے سے تو بیٹی جائداد کی مالک نہ ہوگی ؛ ہاں اگر آپ مکمل قبضہ دخل کے ساتھ بیٹی کو جائداد دے کر آپ خود دست بردار ہوجائیں تب بیٹی اس کی مالک ہوگی ؛ البتہ یہ بات واضح رہے کہ دیگر ورثا (مثلا صورت مسئولہ میں آپ کے بھائی وغیرہ) کو محروم کرنے کے مقصد سے پوری جاداد بیٹی کو دے دینا سخت گناہ ہے ؛ اگرآپ کو بیٹی کو جائداد دینا ہی ہے تو اس کے ساتھ ساتھ دیگر ورثا کو بھی دیں اور اپنے اور اپنی بیوی کے لیے بہ قدر ضرورت رکھ کر مابقیہ کی تقسیم کریں ۔
واللہ تعالیٰ اعلم
دارالافتاء،
دارالعلوم دیوبند