متعلقہ سوالات

میرے والد صاحب نے اپنی وفات سے پہلے 2004 میں اپنے دو لڑکوں اور چار لڑکیوں کو بہت زیادہ پیسہ نقد اور ادھار کیشکل میں حالات کے مطابق دیا۔ انھوں نے نقد اور ادھار کے تمام ریکارڈ کو تحریری شکل میں رکھا ہے۔ انھوں نے اپنے لڑکوں کو اس بات کی ہدایت دی ہے کہ نقد اور ادھار کو ان کی وفات کے بعد ان کی جائیداد سے ترتیب دے لیا جائے گا۔ 2001 میں اس طرح کے ایک موقع پر انھوں نے اپنا ایک مکان جو کہ بنگلور میں واقع ہے اپنی دوسرے نمبر کی لڑکی کو دیا جس کی قیمت تقریباً چار لاکھ روپیہ ہے جو کہ والد صاحب کے اکاؤنٹ میں ادھار کے طور پر درج ہے۔۔۔۔۔؟؟؟

عورت کی وفات کے بعد اس کی جائیداد میں مرد کا کتنا حصہ ہے؟

معلوم یہ کرنا ہے کہ میرے والد تین بھائی اور دو بہنیں تھیں۔ میرے والد صاحب کے اور ایک بھائی کا انتقال ہوچکا ہے اب صرف ایک چچا اور دو پھوپھیاں حیات ہیں۔ ایک پھوپھی کے شوہر کا انتقال ہوچکا ہے اور ان کی کوئی اولاد نہیں ہے اس لیے وہ ہمارے ساتھ رہتی تھیں اورہم ان کی دیکھ بھال کرتے تھے۔ گزشتہ ہفتہ ان کا انتقال ہوگیا۔ اب صرف ایک چچا او رایک پھوپھی حیات رہ گئیں۔ یہ بتائیں کہ جن پھوپھی کا انتقال ہوا ہے ان کے پیسے، زیورات اور سارا سامان کا بٹوارہ کیسے کیا جائے؟ ابھی ایک چچا اور ایک پھوپھی حیات ہیں۔ کیا ان دونوں کے علاوہ بھی کوئی وارث ہوگا یعنی جن بھائیوں کا انتقال ہوچکا ہے ان کی اولادوں میں سے یا پھر جو بہن بھائی زندہ ہیں ان کا ہی حصہ ہوگا؟

میرے سسر کی ایک دکان اورایک فلیٹ ہے۔ میرے سسر کا ذہنی توازن خراب ہونے کی وجہ سے یہ دکان میرے شوہر کے بچپن سے بند تھی۔ سسر بیماری سے قبل اس دکان کو چلاتے تھے جب وہ بیمار ہوئے تو دکان بند کردی گئی اور سامان آہستہ آہستہ بیچ کر ختم کردیا۔ پھر پندرہ سال بعد میرے شوہر اورمیرے جیٹھ اس دکان کو چلاتے ہیں۔ دکان جب کھولی تو دکان خالی تھی آہستہ آہستہ دکان میں سامان ڈالتا رہا اور دکان ترقی کرتی گئی، یہاں تک کہ دکان کی کمائی سے دو جائیداد خریدی گئی۔دکان سے نفع نقصان دونوں ہی ہوتا رہا ۔ اب دکان پر تقریباً آٹھ لاکھ کا قرض ہے دونوں بھائی باری باری اس دکان کوچلاتے رہے کبھی ایک بھائی کبھی دوسرا بھائی۔ میری ساس کا انتقال میرے شوہر کے بچپن میں ہوگیا تھا۔ میرے سسر کے انتقال سے قبل ان کے والدین، دادا، دادی اور نانی کا بھی انتقال ہوگیا تھا۔ میرے سسر کے انتقال کے وقت ان کے وارثوں میں چار بیٹے اور ایک بیٹی حیات تھیں۔ سسر کے انتقال کے بعد بیٹی سلمی کا بھی انتقال ہوگیا۔ سلمی کے وارثوں میں چار بیٹے ایک بیٹی اور شوہر حیات ہیں۔ ا س کے بعد بڑے بیٹے فاروق کا بھی انتقال ہوگیا ان کے انتقال کے وقت ان کے وارثوں میں ایک بیوہ اور چار بیٹی حیات تھیں، پھر مرحوم فاروق کی بیوہ کا بھی انتقال ہوگیا۔ بیوہ کے انتقال کے وقت ان کے وارثوں میں چار بیٹی ایک بھائی اور دو بہنیں حیات ہیں، پھر میرے شوہر محمد اسلم کا بھی انتقال ہوگیا۔ان کے وارثوں میں ایک بیوہ اور دو بیٹی حیات ہیں۔ اب یہ وراثت میرے سسر کے وارثوں میں کس طرح تقسیم ہوگی؟ ترکہ سے متعلق چند سوال درج ذیل ہیں: (۱)میرے سسر کا ذہی توازن میرے شوہر کے بچپن سے خراب تھا۔ دکان کو دو بیٹوں محمد فاروق اور محمد اسلم نے چلایا تھا۔ اس دکان سے جو دو جگہیں خریدی گئیں تھیں، کیا وہ بھی سسر کے ترکہ میں آئیں گی یا پھر وہ دو جگہیں دو بھائیوں کا ترکہ ہیں؟ (۲)جو دو جگہیں خریدی گئی تھی ان میں سے ایک جگہ مرحوم محمد فاروق کی بیوہ نے بیچ کر رقم یہ کہہ کر رکھ لی کہ یہ میرے شوہر کی کمائی سے خریدی گئی تھی اس پر میرا حق ہے۔ جو جگہ بیچی گئی ہے اس جگہ کا ترکہ کیسے ہوگا؟