متعلقہ سوالات

زید کی چار لڑکیاں او ردو لڑکے ہیں۔ ان میں سے لڑکیاں زید کے خلاف ہیں۔ زیداپنی جائداد میں سے لڑکیوں کو بے دخل کرنا چاہتا ہے۔ اللہ اور اس کے رسول صلی اللہ علیہ وسلم کے دئے گئے حکم کی روشنی میں آپ بتائیں کہ کیا زید ایسا کرسکتا ہے؟

چچا کی زمین میں ان کی بیٹی کا کتنا حصہ ہے؟

کیا فرماتے ہیں مفتیان کرام اس بارے میں کہ ایک شخص اپنے لڑکے کی شادی کرتے وقت لڑکی والوں سے وعدہ کرتا ہے کہ وہ ایک تولہ سونا تین ماہ کے بعد لڑکی والوں کو ادا کرے گا، لیکن شادی کے بعد وہ شخص بیمار پڑ جاتا ہے او رپھر وہ مشکلات میں گھر جاتا ہے ،اسی طرح تقریباً سال گزرنے کو ہے ،وہ اب تک ایک تولہ سونا ادا نہیں کرسکا۔ اگر اس شخص کا انتقال ہوجائے تو کیا اس کے ترکہ میں (جو کہ ایک مکان ہے جس میں وہ رہائش پذیر ہے)سے ادائیگی کی جائے گی؟ اور اگر اس کے ورثہ اس بات کو نہیں مانتے تو کیا ایک تولہ سونا کی ادائیگی لڑکے کے ذمہ ہوگی؟ برائے مہربانی قرآن و حدیث اور شریعت مطہرہ کی روشنی میں رہنمائی فرمائیں۔

ہم چھ بھائی اور ایک بہن اپنے والدین کے ساتھ رہ رہے ہیں، میرے والد صاحب نزنس مین ہیں اور میرے تین بھائی بزنس میں والدصاحب کی مدد کررہے ہیں (والد صاحب کے ساتھ مشترکہ طورپر بزنس کررہے ہیں)میں سب سے بڑا لڑکا ہوں، گھر ہی پر میری پرورش ہوئی اور میں نے تعلیم بھی حاصل کی، بزنس کے روپئے سے میری تمام ضروریات پوری کی جاتی تھی، سرکاری ملازمت ملنے کے بعدمیں اپنی تنخواہ اپنے والدین ، بھائی اور بہن پر خرچ کرتاتھا، میں نے اپنے پیسے سے والدین کو حج پر بھیجاتھا۔ میں نے کچھ زمین خرید کر کچھ حصہ والدین کے نام اور کچھ حصہ بہن کے نام کردیاتھا، ایساکرنا ایک تو ان عزت و احترام کی وجہ سے تھااور پھر ٹیکس سے بچنا بھی تھا۔ والدصاحب خوش حال ہیں اور کسی پر انحصار نہیں کرتے ہیں۔ اب میں والدین سے الگ ہونا چاہتاہوں اور میں ان سے زمین واپس کرنے کے لیے کہہ رہاہوں جسے میں نے اپنے ذاتی استعمال کے لیے خریدی تھی۔ میں نے یہ زمین اپنی تنخواہ سے ، زیوارت بیچ کر، بیوی کی تنخواہ سے اور کچھ دوستوں سے قرض لے کر خریدی تھی۔ زمین کے سلسلے میں میرے اور والدین کے درمیان کوئی معاہدہ نہیں ہواتھا۔ اب والدصاحب کہہ رہے ہیں کہ یہ زمین آبائی جائداد میں شامل ہوگی اور یکساں طورپر تمام بھائیوں میں تقسیم ہوگی۔ براہ کرم، بتائیں کہ کیا یہ زمین آبائی پروپرٹی میں شامل ہوگی؟اور اسلامی قانون کے تحت انہیں زمین لوٹانی چاہئے یا نہیں؟

مورث کے انتقال کے بعد“وکیل” کون بنتا ہے ؟ وغیرہ

ایک میاں بیوی کے سات لڑکیاں تھیں اور کوئی لڑکا نہیں تھا۔ پانچ لڑکیوں کی شادی ہوچکی تھی جب کہ بڑی لڑکی کا کسی بیماری کی وجہ سے انتقال ہوگیا جس سے تین لڑکیاں اور ایک لڑکا ہے۔ اس کے تین ماہ کے بعد میاں کا بھی انتقال ہوگیا۔ بیوہ نے کسی طرح سے ان کی کفالت کی اور دوسری دو لڑکیوں کی شادی کی۔ بڑے داماد نے بھی دوسری شادی کرلی۔ میاں بیوی کے پاس ایک مکان تھا اورکچھ نقدی۔ کچھ سالوں کے بعد بیوی نے اپنی مرضی سے ایک ہبہ کیا تمام زندہ بچیوں کو مکان دیا اور زبانی طور پرخواہش ظاہر کی بڑی لڑکی کی لڑکیوں کی شادی کے وقت کچھ سونا کے زیورات بیس سے پچیس ہزار تک کے دئے جائیں اور اس کی خواہش کے مطابق پچیس ہزار کے سونے کے زیورات دو لڑکیوں کو دئے جاچکے ہیں اور ایک لڑکی بچی ہوئی ہے۔ ایک سال پہلے بیوہ کا بھی انتقال ہوگیا۔ اب بڑا داماد جس کی لڑکی کا انتقال اپنے ماں باپ سے پہلے ہوا مکان میں حصہ مانگ رہا ہے۔اس بابت شریعت کیا کہتی ہے؟