English اردو

  • معاملات >> وراثت ووصیت

    سوال نمبر: 174085

    عنوان: ماں كے زیورات میں بہنوں كا حصہ ہے یا نہیں؟

    سوال: میری ماں کے پاس کچھ زیوارت ہیں اور ہم تین بھائی اور دو بہنیں ہیں ، میری مان نے ان زیورات کو تین جگہ تقسیم کر رکھا ہے، کیا اس میں بہنوں کا کچھ حصہ ہے یا نہیں؟ اور اگر ہے تو کتنا ؟ براہ کرم، مدلل جواب دیں۔

    جواب نمبر: 174085

    بسم الله الرحمن الرحيم

    Fatwa : 194-165/M=02/1441

    آپ کی ماں نے اُن زیورات کو تین جگہ تقسیم کرکے آپ تینوں بھائیوں کو دے کر اگر مالک و قابض بنا دیا ہے تو آپ تینوں بھائی اپنے اپنے حصے کے مالک ہوگئے، اس میں بہنوں کا حصہ نہیں، آپ لوگ اگر اس میں سے بہنوں کو کچھ حصہ دینا چاہیں تو دے سکتے ہیں، اور ماں کو چاہئے تھا کہ جس طرح لڑکوں کو حصہ دیا اسی طرح لڑکیوں کو بھی حصہ دیتیں، تاکہ عطیہ و ہبہ میں تمام اولاد کے درمیان عدل و مساوات کا معاملہ رہتا، یہ افضل ہے، اور اگر ماں نے زیورات کو تین حصوں میں کرکے ابھی اپنی ہی ملکیت میں رکھا ہے اور وہ اولاد کے درمیان تقسیم کرنا چاہتی ہیں تو بہتر یہ ہے کہ ان میں پانچ حصے کرلیں اور ایک ایک حصہ تمام لڑکے، لڑکیوں کو دیدیں۔


    واللہ تعالیٰ اعلم


    دارالافتاء،
    دارالعلوم دیوبند
دارالافتاء، دارالعلوم دیوبند، انڈیا © 2020
اس ویب سائٹ کا استعمال اس بات کی علامت ہے کہ آپ استعمال کی شرائط سے متفق ہیں