متعلقہ سوالات

ہم سات بھائی اورتین بہنیں ہیں۔ ہمارے والد صاحب کا انتقال جنوری 1970 میں ہوا۔ دوسرے اثاثہ کے علاوہ ہمارے والد صاحب نے سونے سے لکھاہوا ایک قرآن شریف چھوڑا جو کہ چار سوسال پرانااور بہت ہی قیمتی ہے۔ قرآن شریف ہماری ماں کی تحویل اور حفاظت میں تھا۔ ہمارے والد صاحب نے کوئی وصیت نہیں چھوڑی۔ پندرہ سال پہلے ہماری ایک بہن جو کہ لندن میں رہتی ہے انڈیا آئی اس نے میری ماں کو یقین دلایا اور اکسایا کہ وہ اس کو قرآن دے دے دوسرے بھائی اوربہنوں کی رضا، اجازت اور علم کے بغیر۔ جب ہمارے دوسرے بھائی اور بہنوں کو معلوم ہوا کہ ہماری بہن قرآن شریف لندن لے کر چلی گئی ہے بغیر ان کی رضا و رغبت کے تو انھوں نے اس پر اعتراض کیا، کیوں کہ قرآن مجید ہمارے مرحوم والد صاحب کی ملکیت تھی اوران کے انتقال کے بعد یہ ہمارے مرحوم والد صاحب کے وارثین کی اجتماعی ملکیت بن گیا اورہماری بہن اس کو ہماری رضامندی کے بغیر نہیں لے جاسکتی ہے۔ہماری ماں نے ہماری بہن سے کہا کہ اس نے جو قرآن شریف اس کو پندرہ سال پہلے دیا تھا وہ اس کے وارثوں کو واپس کردے ۔ اوروہ بہت زیادہ بحث و مباحثہ کے بعد تیار ہوئی لیکن اب تک اس نے قرآن شریف کو ہمیں واپس نہیں کیا ہے۔ ہماری ماں کا انتقال گیارہ سال پہلے ہوچکا ہے۔ اب ہمارے کچھ بھائی اور بہن کی یہ رائے ہے کہ اگر کوئی شخص لندن میں قرآن شریف کولینے میں دلچسپی رکھتا ہے اور اس کے لیے اچھا ہدیہ پیش کرتا ہے تو ہم یہ قرآن شریف ہدیہ کے طور پر اس کو دے سکتے ہیں اور یہ رقم شریعت کے مطابق تمام بھائی اور بہنوں کو تقسیم کردیں گے۔ ذیل میں چند سوالات ہیں ان کے بارے میں اپنی رائے دیں: (۱) کیا یہ قرآن شریف ہدیہ(قیمتا) کے بدلہ میں دینا جائز ہے؟ یہ بات ذہن نشیں رہے کہ یہ قرآن ہاتھ سے اور سونے سے لکھا ہوا ہے اور چار سو سال پرانا ہے۔ (۲)ہماری بہن نے گزشتہ تیرہ سال سے وعدہ کے باوجود وہ قرآن شریف وارثوں کو واپس نہیں کیا ہے۔ اس کو شرعی قانون کے مطابق کیا کرنا چاہیے؟ (۳) اگر کچھ بھائی اور بہن یہ چاہتے ہوں کہ اس کو ہدیہ (قیتا) کے طورپر دے دیں اورکچھ بھائی اور بہن چاہتے ہوں کہ اس کو رکھے رہیں تو اس بارے میں شریعت کیا کہتی ہے؟ لندن میں ایک نیلامی کمپنی ہے جو کہ قرآن شریف میں دلچسپی رکھتی ہے۔ برائے کرم تینوں سوالوں کے جواب عنایت فرماویں۔

میرے والد صاحب کی دو بیویاں تھیں۔انھوں نے اپنی پہلی بیوی سے 1960میں شادی کی ان سے تین لڑکے ہیں۔ انھوں نے دوسری شادی 1964میں کی اور ان سے دو لڑکے او رایک لڑکی ہے۔وہ اپنی دوسری بیوی کو 1964میں لند ن لائے او راپنی موت 2006تک اس کے ساتھ مسلسل وہیں رہے۔پہلی بیوی پاکستان میں 1993تک رہی اور اس کے بعد سے لندن میں اپنے لڑکے کے ساتھ رہتی ہیں۔میرے والد صاحب نے مالی طور پر اپنی پہلی بیوی کاتعاون کیا، اس کے لڑکوں کا ان کی شادی کے اخراجات اور ان کی تعلیم کا انتظام کیا، ان کے مکان کو خریدنے کے لیے پیسہ دیا اپنی پہلی بیوی کو حج کرایا، اور اس کی اسٹیٹ پینشن کا انتظام کیا وغیرہ۔ میرے والد صاحب ایک پراپرٹی ڈیلر تھے اور انھوں نے اپنا کاروبار 1972میں شروع کیا۔ انھوں نے خود ہی اپنی آفس خریدی اور وہاں سے اپنا کام شروع کیا۔ 1988میں انھوں نے میرے حقیقی بھائی کو اپنے ساتھ کاممیں لگایا اور اس کے بعد 1991میں میں نے بھی کاروبار میں شرکت کی۔ہم اپنے والد صاحب کی موت 2006تک تین پارٹر ہوچکے تھے او رہم میں کے تمام ایک متعین تنخواہ پر کام کررہے تھے۔اپنی زندگی میں انھوں نے تقریباً چودہ پراپرٹی خریدی بطور سرمایہ کاری کے۔ کچھ تو میرے او رمیرے بھائی کے اس کاروبار میں شریک ہونے سے پہلے خریدی گئی تھیں۔ 1994میں میرے والد صاحب نے اپنی آخری وصیت لکھی یہ کہتے ہوئے کہ میری ماں او رمیں ان کیجائداد و املاک کے شیئر کے ٹرسٹی رہیں گے۔چونکہ تمام پراپرٹی کاروبار کا حصہ ہیں اس لیے ان کا حصہ پارٹنر کے درمیان ایک تہائی تھا او ردوسرے تہائی میرے بھائی اور میرے سے تعلق رکھتے تھے۔انھوں نے اپنی وصیت میں اپنی پہلی بیوی یا اس کے بچوں کا ذکر نہیں کیا۔ اپنی بیماری کے دوران انھوں نے اپنی وصیت کا کسی سے بھی تذکرہ نہیں کیا اور گھر کے کسی افراد نے بھی ان سے کوئی سوال نہیں کیا۔مختلف وجوہات کی بناء پر میرے والد صاحب اپنی پہلی بیوی اور اس کے لڑکوں سے خوش نہیں تھے اور اسی وجہ سے انھوں نے اپنی دوسری بیوی کے ساتھ رہنا پسند کیا 1964سے۔میرے سوتیلے بھائی کاروبار کا حصہ نہیں رہے ہیں اور 35سال سے اس میں کوئی کام نہیں کیا ہے۔ میرے والد صاحب کا اثاثہ وارثوں کے درمیان کیسے تقسیم کیا جائے گا اور ان کی وہ وصیت جو کہ انھوں نے 1994میں کی وہ درست ہے۔ میں اس معاملہ میں آپ کی مخلصانہ رہنمائی کی درخواست کرتا ہوں۔ برائے کرم آپ شریعت کے مطابق اس مسئلہ کو حل کردیں۔

میرے والد صاحب کا انتقال ہوچکا ہے انھوں نے کچھ برتن،کڑھائی، کمبل اور دوسری گھریلو چیزیں چھوڑیں۔ ہم دو بھائی اوردو بہن ہیں۔ میرے بھائی او ربہن کہتے ہیں کہ وہ لوگ گھریلو استعمال کی چیزوں میں سے کچھ نہیں چاہتے ہیں اس لیے میں ان چیزوں کا (برتن، کڑھائی ، کمبل اور دوسری گھریلواشیاء)جو کچھ کرنا چاہوں کرسکتاہوں؟

میرے سالے کا انتقال ہوگیا اوراس کے یہاں کوئی اولاد نہیں ہے۔ ان نے اپنے پیچھے صرف ایک بیوی چھوڑی۔ اس کے دو بھائی اور ایک بہن ہیں۔ ماں اور باپ کا پہلے ہی انتقال ہوچکا ہے۔ اس نے کسی وقت کچھ رشتہ داروں کے سامنے کہا تھا کہ اگر میرا انتقال ہوگا تومیری تمام دولت میری بیوی کو ملے گی۔ لیکن اس نے تحریری طور پر کچھ نہیں چھوڑا۔ اب سوال یہ ہے کہ اب اس کی دولت شرعی قانون کے مطابق کیسے تقسیم کی جائے گی؟

کیا فرماتے ہیں مفتیان کرام اس سوال کے بارے میں، پانچ جزئیات ہیں۔ (۱) زید کی وفات ہوئی لاکھوں کی تجارت ہے، چند بیٹے باپ کے ساتھ کام کررہے ہیں ، دوسرے بیٹے اپنا کام علیحدہ کررہے ہیں۔ باپ کے انتقال کے دس سال بعد ترکہ تقسیم ہورہا ہے۔ تو باپ کی وفات کے وقت جو مال تھا اس حساب سے تقسیم ہوگا یا گزشتہ سالوں کے منافع کے ساتھ تقسیم ہوگا؟ (۲) اس زمانے میں عام طور پر ترکہ میں تاخیر ہوتی ہے، منفعت صرف متصرفین کی ہو تو دوسرے ورثاء کا بھاری نقصان ہے قصداً تاخیر کی جائے گی تو کیا حکم ہے؟ (۳)اگر منافع کی تقسیم ہو تو جن بیٹوں نے باپ کی وفات کے بعد تصرف کیا ہے ان کو حق محنت بطور اجرت دیا جائے گا یا نفع میں کمی بیشی کی جائے گی؟ (۴) نفع میں کمی بیشی کس بنیاد پر کی جائے گی، کیا شرکت مضاربت کے لحاظ سے تقسیم ہوسکتی ہے؟ (۵) اگر متصرف ورثاتقسیم ترکہ میں قصداً تاخیر کریں تو وہ غاصب قرار دئے جائیں گے، یا اس تصرف کو شرکت قرار دیا جاسکتا ہے؟ شرکت قرار دیا جائے تو کونسی شرکت ہوگی؟

وفات شدہ بیٹے کی بیوی اور بیٹی كی وراثت كے بارے میں