معاملات >> وراثت ووصیت
سوال نمبر: 166012
جواب نمبر: 166012
بسم الله الرحمن الرحيم
Fatwa:117-75/N=2/1440
اگر آپ کے دادا، دادی کا انتقال آپ کی مرحومہ پھوپھی سے پہلے ہوچکا ہے تو آپ کی پھوپھی کا ترکہ بعد ادائے حقوق متقدمہ علی الارث ۲/ حصوں میں تقسیم ہوگا، جن میں سے ایک حصہ مرحومہ کے شوہر کو اور ایک حصہ مرحومہ کے بہن بھائیوں کے درمیان اس طور پر تقسیم ہوگا کہ ہر بھائی کو ڈبل اور ہر بہن کو اکہرا حصہ ملے گا۔ اور آپ کو بہ حیثیت وراثت پھوپھی کے ترکہ سے کچھ نہیں ملے گا؛ البتہ آپ کی پھوپھی نے آپ کے لیے جو وصیت کی ، اگر اس کی تفصیل ذکر کی جائے اور یہ بتایا جائے کہ مرحومہ کے وارثین آپ کے دعوی کو تسلیم کرتے ہیں یا نہیں؟ تو وصیت کے بارے میں حکم شرعی تحریر کیا جائے گا، اس سے پہلے کچھ نہیں کہا جاسکتا ۔
واللہ تعالیٰ اعلم
دارالافتاء،
دارالعلوم دیوبند