معاملات >> وراثت ووصیت
سوال نمبر: 157742
جواب نمبر: 157742
بسم الله الرحمن الرحيم
Fatwa:481-363/sn=4/1439
زندگی میں تقسیمِ جائداد میراث کی تقسیم نہیں ہوتی؛ بلکہ یہ ”ہبہ“ ہے، زندگی میں اولاد کے درمیان ہبہ کرنے میں بہتر یہ ہے کہ بیٹے بیٹیوں کو برابر برابر دے، گو یہ بھی جائز ہے کہ میراث کے ضابطے کے مطابق (یعنی بیٹے کو بیٹی کا دوگنا) تقسیم کرے، یہاں یہ بھی واضح رہے کہ ”ہبہ“ اسی وقت تام ہوتا ہے جب واہب (ہبہ کرنے والا) موہوب لہ (جس کوہبہ کیا جائے) کو مکمل طور پر قبضہ دخل بھی دیدے؛ اس لیے باپ مذکورہ بالا طریقوں میں سے جس کے مطابق بھی تقسیم کرے اسے چاہیے کہ ہرایک کا حصہ الگ کرکے اس کے قبضہ دخل میں بھی دیدے ورنہ ہبہ تام نہ ہوگا اور نہ اولاد اس کی مالک ہوگی۔ لا بأس بتفضیل بعض الأولاد فی المحبة ․․․ وکذا فی العطایا إن لم یقصد بہ الإضرار، وإن قصدہ فسوی بینہم یعطی البنت کالابن عند الثانی وعلیہ الفتوی، وقال الشامي: قولہ ”وعلیہ الفتوی“ أي قول أبی یوسف من أن التنصیف بین الذکر والأنثی أفضل من التثلیث الذي ہو قول محمد․ (درمختار مع الشامي: ۸/ ۵۰۳، ط: زکریا)
واللہ تعالیٰ اعلم
دارالافتاء،
دارالعلوم دیوبند