معاملات >> وراثت ووصیت
سوال نمبر: 155083
جواب نمبر: 155083
بسم الله الرحمن الرحيم
Fatwa:38-50/M=2/1439
بیٹے کے پیسے کی شراکت سے گھر کے اخراجات وشادی بیاہ کے انتظامات گھر کی تعمیر اور ماں کے علاج معالجہ میں جو کچھ روپئے خرچ ہوئے اگر اس کی صورت یہ تھی کہ بیٹے نے روپیہ دے کر باپ کو مالک بنادیا تھا یا بیٹے نے اپنی مرضی سے خرچ کیا تھا اور قرض کے طور پر خرچ کا کوئی معاملہ طے نہیں کیا تھا تو ایسی صورت میں یہ بیٹے کی جانب سے تبرع واحسان شمار ہوگا اوراس کا اجر وثواب ملے گا لیکن اس کی وجہ سے بیٹا تنہا مکمل جائیداد کا حق دار نہیں ہوگا بلکہ پورا گھر مرحوم والد کا ترکہ شمار ہوگا اس میں بھی شرعی ورثہ کا حق ہوگا، اگر ماں حیات ہے تو ان کو آٹھواں حصہ ملے گا اور بقیہ حصے میں تمام بیٹے بیٹیاں اس طور پر وارث ہوں گے کہ ہربیٹے کو دوہرا اور ہربیٹی کو اِکہرا حصہ ملے گا۔
واللہ تعالیٰ اعلم
دارالافتاء،
دارالعلوم دیوبند