عنوان: متروکہ جائیداد جتنے میں بھی فروخت ہو وہ پیسے اسی تناسب سے ان کے ورثاء کے درمیان تقسیم ہوں گے

سوال: میرا سوال جائیداد کی تقسیم کے بارے میں ہے، میں یہ سوال والد کی طرف سے لکھ رہاہوں۔ دادکی جائیداد ہے، انہوں نے اپنے انتقال سے پہلے دادی کے نام ایک گفٹ ڈیڈ(gift deed) تیار کیا تھا، ان کے تین بیٹے اور پانچ بیٹیاں تھیں، ان میں میرے والد سب سے بڑے ہیں، 1971ء میں دادا کے انتقال کے بعد 1982ء میں ان کے ایک بیٹے یعنی والد صاحب کے چھوٹے بھائی (دوسرے نمبر کا) کا انتقال ہوگیا، ان کی ایک بیوی اور بیٹی ہے، 1995ء میں دادی کا انتقال ہوگیا، 2014ء میں والد صاحب کی ایک بہن (میری پھوپھی) کا انتقال ہوگیا، وہ بے اولاد بیوہ تھیں،2016ء میں والد صاحب کے سب سے چھوٹے بھائی کا بھی انتقال ہوگیا، ان کی شادی نہیں ہوئی تھی۔ اب والد صاحب کی چار شادی شدہ بہنیں اور مرحوم چچا کی بیوہ اور بیٹی زندہ ہیں، ہم سب اس نتیجے پر پہنچے ہیں کہ چونکہ جائیداد کی تقسیم کچھ پیچیدہ ہے، اس لیے ہم اس کو بیچکر شریعت کے مطابق رقم کو تقسیم کردیں گے، براہ کرم، بتائیں کہ ہر وارث کو کتنا حصہ ملے گا؟یہ فرض کرتے ہوئے کہ جائیداد کی رقم ایک کروڑ ہوگی، رقم کے بارے میں یہ ایک انداہ ہے، یقینی نہیں ہے، کیوں کہ ہمیں ابھی جائیداد کو بیچنا ہے۔ آپ کے جواب کا انتظار رہے گا۔ جزاک اللہ خیرا

جواب نمبر: 15088530-Aug-2020 : تاریخ اشاعت

بسم الله الرحمن الرحيم

Fatwa ID: 990-1062/SN=9/1438

آپ کے دادا مرحوم نے آپ کی دادی کے نام کیا گفٹ ڈیڈ تیار کرایا تھا؟ اس کی نقل بھی ارسال کرتے تو اچھا ہوتا، بہرحال آپ کے دادا مرحوم نے اپنی وفات کے وقت جو کچھ بھی ترکہ اپنی ملک میں چھوڑا ہو سب کے بعد ادائے حقوقِ متقدمہ علی الارث کل ۷۶۰۳۲/ حصوں میں تقسیم ہوگا، جن میں سے آپ کے دوسرے نمبر والے چچا کی بیوہ کو ۱۵۱۲ (پندرہ سو بارہ) حصے، ان کی بیٹی کو ۶۰۴۸/ (چھ ہزار اڑتالیس) حصے، آپ کے والد صاحب کو ۲۲۸۲۴/ (بائیس ہزار آٹھ سو چوبیس) حصے، آپ کی چاروں پھوپھیوں میں سے ہر ایک ۱۱۴۱۲/ (گیارہ ہزار چار سو بارہ) حصے ملیں گے، دادا کی متروکہ جائیداد جتنے میں بھی فروخت ہو وہ پیسے اسی تناسب سے ان کے ورثاء کے درمیان تقسیم ہوں گے۔ نقشہ تخریج حسب ذیل ہے:۔

کل حصے                           =                                                                                       ۷۶۰۳۲

-------------------------

زوجة الابن الثانی              =                                                                                       ۱۵۱۲

ابنت الابن الثانی             =                                                                                       ۶۰۴۸

ابن                                                                                                                         =                          ۲۲۸۲۴

بنت                                =                                                                                       ۱۱۴۱۲

بنت                                =                                                                                       ۱۱۴۱۲

بنت                                =                                                                                       ۱۱۴۱۲

بنت                                =                                                                                       ۱۱۴۱۲

---------------------------------

--------------------------

جواب صحیح ہے البتہ اگر آپ کی مرحومہ پھوپھی شادی شدہ تھیں اور ان کی وفات پر ان کے شوہر باحیات تھے تو اس صورت میں تقسیم بدل جائے گی؛ لہٰذا اس صورت میں دوبارہ سوال کیا جائے۔ (ن)