متفرقات >> حلال و حرام
سوال نمبر: 609028
کسی قبر پر رکھے ہوئے پھل فروٹ اٹھاکر گھر لانا اور خودکھانا وغیرہ
ایک آدمی ہوٹل میں مزدور ہے صبح سے شام تک کام کرتا ہے جب چھٹی کر کے گھر آتا ہے تو راستے میں ایک قبر کے پاس سے اس کا گزر ہوتا ہے وہ قبر ایک بزرگ کی طرف منسوب ہے کچھ لوگ اس کی تعمیر کررہے ہیں (مطلب اس پر عمارت، قبہ وغیرہ بنارہے ہیں)بعض لوگ اس پر پھل فروٹ وغیرہ رکھ لیتے ہیں (معلوم نہیں کہ وہ کس غرض سے رکھتے ہیں)یہ مزدور روز یہاں سے گزرتا ہے اور وہ پھل فروٹ وغیرہ اٹھا کر اپنے گھر لاتا ہے اور اپنے گھر والوں کو کھلاتا ہے اور اگر اس کے گھر والوں کھا کر جو کچھ بچا لیں تو بقیہ اپنے جانوروں کو کھلاتا ہے۔کیا اس کا اس طرح کرنا درست ہے؟وضاحت کے ساتھ جواب مطلوب ہے۔
جواب نمبر: 609028
بسم الله الرحمن الرحيم
Fatwa:389-288/H-Mulhaqa=6/1443
کسی بزرگ کی قبر پر رکھے ہوئے پھل فروٹ ممکن ہے کہ وہ چڑھاوے کے ہوں یا وہ خاص طور پر مجاور یا قبر پر کام کرنے والوں کے لیے رکھے گیے ہوں؛ لہٰذا سوال میں مذکور مزدور کو قبر پر رکھے ہویے پھل فروٹ نہیں اٹھانا چاہیے اگرچہ وہ غریب وتنگ دست ہو،یہ اگر یقین کے ساتھ ناجائز وحرام نہ ہوتو کم از کم خلاف احتیاط ضرور ہے ۔
واللہ تعالیٰ اعلم
دارالافتاء،
دارالعلوم دیوبند