متفرقات >> حلال و حرام
سوال نمبر: 608420
ٹھیکیدار کا رشوت دینا
میں سرکاری ڈپارٹمنٹس میں ٹھکے داری کا کام کرتا ہوں، کام کرنے ک لیے اور کام لینے کے لیے رشوت دینی پڑتاہے بنا رشوت کے ایک بھی کام نہیں کیا جا سکتا ہے ، ایسے میں میرا روزگار حرام کہلائے گا یا حلال؟ اور کیا ایسے کاروبار کی آمدنی سے اپنے بچوں کی پرورش کرنا جائز ہے ؟
جواب نمبر: 608420
بسم الله الرحمن الرحيم
Fatwa:639-499/L=6/1443
اگر رشوت کے بغیر ٹھیکہ نہ ملتا ہو تو بمجبوری رشوت دینے کی گنجائش ہوگی ؛ البتہ حکومت کا ٹھیکیدار سے جو معاہدہ طے ہوا ہو اور جس قسم کا کام کرنا حکومت اور ٹھیکیدار کے مابین طے ہوا ہو اسی اوصاف کے مطابق ٹھیکیدارکا کام کرنا ضروری ہوگا، اگر معاہدہ کی رعایت کرتے ہوئے کام کرایا جائے تو بچی رقم کا لینا جائز ہوگا، جھوٹ اور غلط بیانی کرکے رقم بچانا جائزنہ ہوگا۔
واللہ تعالیٰ اعلم
دارالافتاء،
دارالعلوم دیوبند