متعلقہ سوالات

میں ممبئی میں رہتاہوں یہاں پر جو بیسٹ کی (سرکاری) بسیں چلتی ہیں اس میں پندرہ، بیس اور پچیس روپیوں کا ٹکٹ ہے جو کہ روٹ کے حساب سے ہے اوراس کی مدت رات کے بارہ بجے تک ہوتی ہے۔ اس پر تاریخ وغیرہ لکھی ہوتی ہے۔ اس پر نہ تو ٹکٹ خریدنے والے کا نام لکھا ہوتا ہے نہ کوئی پہچان۔ میں یہ کہنا چاہتاہوں کہ اس ٹکٹ کو بہت سے لوگ یا تو آدھی قیمت پر فروخت کرتے ہیں یا تو مفت میں دیتے ہیں۔ کچھ لوگوں کا خیال ہے کہ اس سے گورنمنٹ کا نقصان ہے۔ برائے کرم بتائیں کہ ایسا کرنا شریعت کے حساب سے غلط ہے یا صحیح (مطلب کہ اس ٹکٹ کو آدھی قیمت پر بیچنا یا مفت میں دینا)؟

بعد سلام عرض یہ ہے کہ ہم ایک گورنمنٹ ادارے (یونیورسٹی ) میں کام کرتے ہیں جس کا وقت صبح آٹھ بجے سے دو بجے تک ہے لیکن ہم لوگ تقریباً سوا آٹھ بجے تک آفس پہنچتے ہیں۔ تقریباً آٹھ بج کر دس منٹ تک ہم یونیورسٹی کی حد ودمیں پہنچ جاتے ہیں او رتقریباً آٹھ بجکر پندرہ منٹ تک ہم آفس میں پہنچ جاتے ہیں۔ او رجب بھی انتظامیہ وقت کے حوالہ سے سرکلر(گشتی ) نکالتی ہے تو وہ بھی ساڑھے آٹھ بجے تک پہنچنے کا حکم جاری کرتی ہے۔ معلوم یہ کرنا تھاکہ کیا ہمارا سوا آٹھ بجے تک آفس پہنچنا صحیح ہے یا ہمیں پورے آٹھ بجے آفس میں پہنچ جانا چاہیے؟ مہربانی فرماکر شریعت کی روشنی میں جواب دیں۔

میں ایک سنی مسلمان مرد ہوں۔ میری بیوی کو گزشتہ 26سال سے اولاد نہیں ہورہی ہے۔ اب میں ایک دوسری سنی عورت سے شادی کرنا چاہتاہوں۔ کیا مجھے دوسری شادی کرنے کے لیے اپنی پہلی بیوی سے زبانی اجازت لینا ضروری ہے یا کہ نہیں؟ایسا میں اس لیے کررہا ہوں تاکہ میرا وارث پیدا ہو جائے۔ برائے کرم مشورہ دیں۔

(۲) ڈاکٹر نے مجھے کسی دوسری عورت سے بیضہ لینے کو کہا ہے اور اس کے بعد اس بیضہ کو میری بیوی کے رحم میں ڈالا جائے گا جہاں یہ نو ماہ تک پرورش پائے گا، اور اس کے بعد پیدائش ہوگی۔ کیا شریعت کے مطابق یہ بچہ جائز ہوگا؟ برائے کرم مشورہ دیں۔

ہمارے یہاں تراویح کے پیسے حافظ صاحب کو دینے کا رواج ہے۔ حافظ صاحب کو پیسہ دینے کے لیے شہر میں دکان دکان، بازار بازارچندہ کیا جاتا ہے۔ کچھ علماء نے کہاکہ (تراویح کے پیسے جائز نہیں) تو اس پر شہر کے علماء اور خطیبوں نے تقریر وں میں تراویح کے پیسے کو ناجائز کہنے والوں کو حافظوں کا دشمن، قرآن کا دشمن، نیادین لے آنے والا کہا، اورحافظ لوگ بھی تراویح کے پیسوں کو ناجائز کہنے والوں پر ناراض ہوئے۔ آپ بتائیں کہ کیا تراویح کے پیسے جائز ہیں یا ناجائز؟

مفتی صاحب میں نے آپ کے ایک جواب میں پڑھا ہے کہ اسلام میں ویڈیو بنانا جائز نہیں ہے میں آپ سے اتفاق کرتا ہوں کیوں کہ میں جانتاہوں کہ دارالعلوم دیوبند شریعت اسلام سے باہر کی بات نہیں کرتاہے۔ لیکن مجھے اپنے دوست کو باور کرانا ہے اس لیے میری آپ سے درخواست ہے کہ آپ مجھے قرآن اورحدیث سے اس کا کوئی ثبوت پیش کردیں اردو ترجمہ کے ساتھ؟

میں نے سنا ہے کہ اپنے گناہ دوسرے سے چھپانے چاہئیں کیوں کہ دوسروں کو بتانے سے ان کو اپنے گناہ پر گواہ بنانے والی بات ہے۔ اور اس سے دوسرے لوگوں کو بھی اس گناہ پر زیادہ جرأت ہوگی، جیسے کوئی شخص نمازی ہے اور ٹی وی بھی دیکھتا ہے لیکن دوسروں کو نہیں بتاتا اور بعض اوقات جھوٹ بولتا ہے کہ میں ٹی وی نہیں دیکھتا۔ اس لیے کہ لوگ یہ سوچیں گے کہ اگر یہ ٹی وی دیکھ سکتے ہیں تو پھر ہم کو ٹی وی اور فلم دیکھنے میں کیا مسئلہ ہے۔ او رپھر اگروہ بتادیں تو دوسرے لوک اس کے گناہ پر گواہ بھی بن جائیں گے۔ تو کیا اس کو چھپانا اور جھوٹ بول دینا جائز ہوگا؟